काँग्रेसमा एकता हुनु जरुरी : महामन्त्री डा शशांक कोइराला


Share This

नेपालबहस संवाददाता    

चितवन । नेपाली काँग्रेसका महामन्त्री डा शशांक कोइरालाले काँग्रेसको क्रियाशील सदस्यतामा पुनःविचार गर्नुपर्ने समय आएको बताएका छन्।

नेपाल शिक्षक संघको २९ औँ स्थापना दिवसका अवसरमा आज आयोजित कार्यक्रममा कोइरालाले क्रियाशील सदस्य मात्रै भएर निर्वाचन नजितिने बताए। “मेरो निर्वाचन क्षेत्रको कुनै एक वडामा एक हजार २०० क्रियाशील सदस्य छन् तर भोट जम्मा २०० खस्छ”–उनले प्रश्न गरे, “अब के यसरी पार्टी चल्न सक्छ रु” क्रियाशील सदस्यहरुको विषयमा महासमिति बैठकबाट प्रस्ताव पारित गरी पुनःविचार गर्ने उनको भनाइ थियो।

अहिलेको निर्वाचनबाट पार्टीले पाठ सिकेको बताउँदै कोइरालाले थपे, “अब क्रियाशील सदस्यहरुको सबै जानकारी राख्ने काम पार्टीले गर्नु आवश्यक छ र त्यसको तयारी भइरहेको छ।” पार्टीले क्रियाशील सदस्यहरुको जानकारी राख्ने र उनीहरुको योगदानअनुसारको जिम्मेवारी दिने गरी अगाडि बढ्ने उनको भनाई थियो।

अबको समयमा काँग्रेसमा एकता हुनु जरुरी रहेको महामन्त्री कोइरालाको भनाइ थियो। काँग्रेसभित्र एकता आयो भने वाम गठबन्धन पनि डराउने बताउँदै कोइरालाले काँग्रेसभित्रको एकता अहिलेको समयमा आवश्यक रहेको बताए।

कार्यक्रममा काँग्रेस चितवनका सभापति जितनारायण श्रेष्ठ, निवर्तमान सभापति टेकप्रसाद गुरुङ, नेपाल शिक्षक संघका केन्द्रीय सदस्य प्रेमप्रसाद पौडेल, नेपाल शिक्षक महासंघ चितवनका अध्यक्ष कोमलनाथ घिमिरे, नेपाल ट्रेड युनियन काँग्रेस चितवनका अध्यक्ष हरिहर सापकोटा, नेपाल शिक्षक संगठन चितवनका अध्यक्ष दानबहादुर गुरुङलगायतले धारणा राखेका थिए। सो अवसरमा विभिन्न विद्यालयका प्रध्यानाध्यापक, दीर्घसेवी शिक्षकहरुलाई सम्मान गरिएको थियो। रासस

तपाईको प्रतिक्रिया
Road Show Real State