fbpx

यौन दुराचारको आरोपमा ६६ वर्षीय स्विस नागरिक पक्राउ


Share This

नेपालबहस संवाददाता    

काठमाडौं । महानगरीय प्रहरी अपराध महाशाखाकाले बालकलाई होटलमा बोलाएर यौन दुराचार गर्ने ६६ वर्षीय स्विस नागरिक पिटर क्रिश्चियन ल्यागेनड्रोफलाई पक्राउ गरेको छ ।

महाशाखा प्रहरीले दिएको जानकारी अनुसार पिटरले १६ वर्षीय बालकलाई फेसबुक म्यासेन्जरमार्फत ललाइफकाई काठमाडौं चुच्चेपाटीमा रहेको होटलमा बोलाएर यौन दुराचार गरेका थिए ।

प्रहरीका अनुसार पिटरले उक्त बालकलाई काठमाडौं र भक्तपुरका विभिन्न होटलमा समेत पुऱ्याएर यौन दुराचार गरेका थिए ।प्रहरीको प्रारम्भिक अनुसन्धानमा पिटरले यौन दुराचारको आरोप स्वीकार गरेका छन् ।

भक्तपुर दरबार स्क्वायरमा रहेको वेलकम हेरिटेज ईन नामक होटलमा समेत लगानी गरेका पिटरले रसुवाको लाङटाङमा शिक्षासम्बन्धी काम गर्ने परियोजना चलाइरहेका थिए ।

अपराध महाशाखाका अनुसार यौन दुराचारको कुरा बाहिर नओओस् भनेर पिटरले बालकलाई विभिन्न समयमा पैसा समेत दिने गरेका थिए ।

पक्राउ परेकालाई प्रहरीले करणीअन्तर्गत मुद्दा चलाएको छ । मुलुकी ऐन जर्बजस्ती करणी महलको दफा ३ अनुसार सोह्र वर्ष भन्दा कम उमेरकालाई करणी गरेमा ६ देखि १० वर्षसम्म कैद सजाय हुने व्यवस्था छ ।

तपाईको प्रतिक्रिया