स्कुटर र मोटरसाइकल ठोक्किदा एकको मृत्यु, ३ जना घाइते !


Share This

नेपालबहस संवाददाता    

रत्ननगर । चितवनको भरतपुर महानगरपालिका वडा नं ५ स्थित खगेरी पुल नजिक भएको मोटरसाइकल दुर्घटनामा एक जनाको मृत्यु भएको छ । अन्य तीन जना घाइते भएका छन् ।

भरतपुरबाट पदमपुरतर्फ जाने भित्री सडकखण्डमा ना४२प ७५९० नम्बरको मोटरसाइकल र विपरीत दिशाबाट आउँदै गरेको ना ३५ प ६४७३ स्कुटर एकआपसमा ठक्कर खाँदा सो दुर्घटना भएको हो ।

दुर्घटनामा परी ना४२प ७५९० नंको मोटरसाइकल पछाडि बस्ने बारा कलैया नगरपालिका–५ का २२ वर्षीय सोनु गुप्ताको मृत्यु भएको जिल्ला प्रहरी कार्यालय चितवनले जनाएको छ ।

उनको उपचारका क्रममा साँझ ७ बजेर पाँच मिनेटको समयमा चितवन कलेज अफ मेडिकल साइन्समा मृत्यु भएको हो । उक्त मोटरसाइकलका चालक भरतपुर–३ का २३ वर्षीय अमितकुमार गुप्ताको सोही कलेजमा उपचार भइरहेको छ ।

दुर्घटनामा स्कुटी चालक भरतपुर– १५ की २५ वर्षीया नीलम गुरुङ र पछाडि बस्ने उनकी छोरी नौ वर्षीया प्रसन्ना गुरुङ घाइतेसमेत भएका छन् ।

उनीहरुको भने भरतपुर अस्पतालमा उपचार गरिएको प्रहरीले जनाएको छ ।

तपाईको प्रतिक्रिया