प्रतिनिधिसभामा निर्वाचित सदस्यको सूची राष्ट्रपतिसमक्ष बुझाइयाे

२९ मंसिर, काठमाडौं । निर्वाचन आयोगले प्रतिनिधिसभा निर्वाचनमा निर्वाचित सदस्यहरूको विवरण राष्ट्रपति विद्यादेवी भण्डारीसमक्ष पेस गरेको छ ।

मंसिर ४ मा सम्पन्न निर्वाचनको अन्तिम परिणामसहितको प्रतिवेदन प्रमाणिकरणका लागि राष्ट्रपति भवन शितलनिवासमा बिहीबार निर्वाचन आयोगका प्रमुख निर्वाचन आयुक्त दिनेशकुमार थपलियाले राष्ट्रपतिसमक्ष पेस गरेका हुन् ।

प्रमुख निर्वाचन आयुक्त  थपलियाले बिहीबार राष्ट्रपति भण्डारीलाई निर्वाचन परिणाम बुझाएको राष्ट्रपति कार्यालयका प्रवक्ता सागर आचार्यले जानकारी दिए ।

बुधबार पत्रकार सम्मेलन गरेर सार्वजनिक गरेको आयोगले बिहीबार राष्ट्रपति भण्डारीलाई पनि निर्वाचन परिणाम बुझाएको हो ।