चुम्बन गरेको भिडियो प्रकरणमा दलाई लामाले मागे माफी

२७ चैत, काठमाडौं । भारत निर्वासनमा रहेका तिब्बती धर्मगुरू दलाई लामाले हालै सार्वजनिक भएको चुम्बन खाएको भिडियो प्रकरणमा माफी मागेका छन् ।

भारतको हिमाञ्चल प्रदेशको धर्मशालामा बस्दै आएका दलाई लामाले एक बालकलाई चुम्बन खाएको भिडिओ केही दिनअघि सामाजिक सञ्जालमा सार्वजनिक भएको थियो । सो भिडियोलाई लिएर उनको विश्वभर आलोचना भइरहेको छ । 

भिडिओमा दलाई लामाले एक बालकलाई धार्मिक कार्यमा रहेकै बेला अँगालोमा ल्याएर उनको ओठमा चुम्बन गरेका छन् । उनको उक्त व्यवहारको तीव्र आलोचना भएपछि उनले सोमबार सामाजिक संजाल ट्वीतरमार्फत माफी मागेका हुन् ।

‘उक्त व्यवहारबाट ती बालक र उनका परिवारलाई चोट पुगेको भए माफी माग्न चाहन्छु,’ उनले ट्वीट गर्दै भनेका छन् ।