गृह प्रशासन र प्रहरीको पुरातन सोचमा आमुल परिवर्तन हुनुपर्छः गृहमन्त्री

५ वैशाख, काठमाडौं ।  उपप्रधान तथा गृहमन्त्रीनारायणकाजी श्रेष्ठले गृह प्रशासन नेपाल प्रहरीको सोचाइमा आमुल परिवर्तसँगै सुरक्षा निकायमा देखिएको दबाव र चलखेल अन्त्य हुनुपर्ने बताएका छन् ।  मंगलबार गृह मन्त्रालयमा आयोजित पत्रकार सम्मेलनमा मन्त्री श्रेष्ठले सुरक्षा निकायलाई शक्ति केन्द्र र राजनीतिक दबावबाट मुक्त राख्ने दावी गरे । उनले गृह प्रशासन र प्रहरी अवान्छित चलखेलबाट मुक्त हुने बताए । 

श्रेष्ठले गृह प्रशासन र प्रहरीमा यसअघि रहेको धारणा नै परिवर्तन गर्न आवश्यक रहेको बताए । ‘ठूलाबडा, सम्पन्न धनीमानी, पहुँच भएका, शक्ति केन्द्रमा जान सक्नेको कुरा सुन्ने, उनीहरुले भेटघाट गर्न पाउने तर सर्वसाधारणले भेटघाट गर्न नै नपाउने एप्रोच नै चेन्ज गर्नुपर्छ’ उनले भने । प्रहरीले अब गरिब, दलित, पिछडिएको, शक्ति केन्द्रमा धाउन नसक्ने जनतालाई प्राथमिकतामा राख्नुपर्ने पनि उनको भनाइ छ । 

सुरक्षा निकाय राष्ट्रको गौरव भएको बताउँदै  गृहमन्त्री श्रेष्ठले यो निकायमा निष्पक्षता कायम गर्ने प्रयास गरिने बताए । उनले सुरक्षा निकायमा काम गर्ने साथीहरुको मनोबल गिर्याे र आफुमाथि निष्पक्ष व्यवहार भएन भन्न लाग्यो भने मनोबल खस्कने भन्दै अबदेखि सिस्टम स्थापित गर्ने र निष्पक्षताका आधारमा पदस्थापन, बढुवा र सरुवा गरिने बताए । उनले गृह प्रशासनमा विचौलियाको भूमिकालाई शून्यमा झार्ने पनि घोषण गरे ।

श्रेष्ठले गृह प्रशासन र प्रहरीमा यसअघि रहेको धारणा नै परिवर्तन गर्न आवश्यक रहेको बताए । ‘ठूलाबडा, सम्पन्न धनीमानी, पहुँच भएका, शक्ति केन्द्रमा जान सक्नेको कुरा सुन्ने, उनीहरुले भेटघाट गर्न पाउने तर सर्वसाधारणले भेटघाट गर्न नै नपाउने एप्रोच नै चेन्ज गर्नुपर्छ’ उनले भने । प्रहरीले अब गरिब, दलित, पिछडिएको, शक्ति केन्द्रमा धाउन नसक्ने जनतालाई प्राथमिकतामा राख्नुपर्ने पनि उनले बताए ।