कोरोना संक्रमणबाट आज थप एक जनाको मृत्यु, ६० जना संक्रमण मुक्त

१४ वैशाख, काठमाडौं । मुलुकमा पछिल्लो २४ घण्टामा कोरोना संक्रमणबाट थप एक जनाको मृत्यु भएको छ । सोसँगै कोरोनामा मृत्यु हुनेको कुल संख्या १२ हजार २९ पुगेको छ ।

सोही अवधिमा १ सय ११ जना संक्रमित थपिएका छन् । स्वास्थ्य तथा जनसंख्या मन्त्रालयका अनुसार बिहीबार कूल २,५१७ जनामा कोरोना परीक्षण गर्दा १११ जनामा कोरोना संक्रमण पुष्टि भएको हो । 

कूल २५१७ परीक्षणमध्ये पीसीआर परीक्षणबाट १०४० र एन्टीजेनबाट १४७७ जनामा नमुना परीक्षण गर्दा १ सय ११ जनामा संक्रमण देखिएको हो ।
मन्त्रालयले कोरोना सक्रिय संक्रमितको संख्या ३७८ पुगेको जनाएको छ ।

बिहीबार ६० जना संक्रमण मुक्त भएका छन् । संक्रमण दर बढिरहेको जनाउँदै अनिवार्य मास्क लगाउन र दूरी कायम गर्न मन्त्रालयले आग्रह गरेको छ ।