थप ६० जनामा कोरोना संक्रमण पुष्टि, ९ जना संक्रमित आईसीयूमा

१७ वैशाख, काठमाडौं । मुलुकमा  पछिल्लो २४ घण्टामा थप ६० जनामा कोरोना संक्रमण पुष्टि भएको छ ।  स्वास्थ्य तथा जनसंख्या मन्त्रालयले आइतबार दिएको जानकारी अनुसार १ हजार ४७३ नमुनामध्‍ये २७२ जनाको पीसीआर परीक्षण गर्दा २२ जना र १ हजार २०१ जनाको एन्टीजेन परीक्षण गर्दा ३८ जना गरी ६० जनामा कोरोना संक्रमण पुष्टि भएको हो । 

यस्तै कोरोनाको सक्रिय संक्रमितको संख्या ३ २८ जना पुगेको छ भने संस्थागत आईशोलेशनमा २८ जना, आईसीयूमा ९ जना र भेन्टिलेटरमा १ जना उपचाररत छन् । सोही अवधिमा ५५ जना कोरोना संक्रमणबाट मुक्त भएका छन् । संक्रमण कारण आज कसैले ज्यान गुमाउन परेको छैन ।