कञ्चनपुरको ग्रामीण भेगमा निरन्तर प्रहरीको गस्ती
नेपालबहस संवाददाता
जेठ १, २०८० सोमबार ११:४३:४२
१ जेठ, बेदकोट । ग्रामीण क्षेत्रमा हुने आपराधिक क्रियाकलाप न्यूनीकरण गर्नका लागि जिल्ला प्रहरी कार्यालय कञ्चनपुरले ग्रामीण गस्तीलाई तीव्रता दिएको छ । जिल्लाका नौवटै स्थानीय तहका ग्रामीण भेगमा गस्तीमार्फत प्रहरीले पहुँच बढाइरहेको हो । प्रहरीको पहुँच नपुग्ने ग्रामीण भेगमा मातहतका युनिटले गस्ती गरिरहेको जिल्ला प्रहरी कार्यालय कञ्चनपुर प्रहरी नायब उपरीक्षक प्रकाश डाँगीले जानकारी दिए ।
“ग्रामीण भेगमा प्रहरीको पहुँच पु¥याउन गस्ती गरिरहेका छौँ, त्यहाँको वस्तुस्थिति तथा सूचना सङ्कलन गर्ने काम भइरहेको छ”, उनले भने, “यसले आपराधिक क्रियाकलाप पनि न्यूनीकरण हुन्छ”, ग्रामीण गस्तीका लागि प्रहरीले सुरक्षा योजना बनाएको छ । सोहीअनुसार प्रत्येक दिन ग्रामीण भेगमा गस्ती हुने गरेको छ ।
कतै हिँडेर त कतै साइकल, मोटरसाइल तथा भ्यानमा प्रहरी गस्तीमा जाने गरेका छन् । कञ्चनपुरमा प्रहरी निरीक्षकको नेतृत्व रहने छवटा इलाका प्रहरी कार्यालय रहेका छन् । सुरक्षाका दृष्टिकोणले संवेदनशील क्षेत्रलाई प्राथमिकतामा राखेर निरन्तर ग्रामीण क्षेत्रमा गस्ती भइरहेको इलाका प्रहरी कार्यालय झलारीका प्रहरी निरीक्षक सूर्यबहादुर शाहीले बताए ।
“ग्रामीण भेगमा गस्तीका लागि छुट्टै सुरक्षा योजना बनाएका छौँ, सुरक्षाका दृष्टिले संवेदनशील क्षेत्रलाई प्राथमिकता दिएकाछौँ”, उनले भने, “गाउँगाउँमा पुगेर स्थानीयसँग साक्षात्कार गर्दै गुनासो, पिर मर्का सुन्ने गरिएको छ”, गस्तीका क्रममा ग्रामीण भेगमा जनचेतना जगाउनुका साथै सडकमा चल्ने सवारी साधन जाँच गर्ने गरिन्छ । इलाका प्रहरी कार्यालय झलारी मातहत सात वटा युनिट छन् । शनिबार, सोमबार र बिहीबार गरेर साताको तीन दिन ग्रामीण गस्तीमा प्रहरी जाने गरेको छ ।
इलाका प्रहरी कार्यालय झलारी, अस्थायी प्रहरी पोष्ट बन्साह र प्रहरी बिट कलुवापुरबाट संयुक्तरुपमा करिब १२ जनाको टोली ग्रामीण गस्तीका लागि जाने गरेको प्रहरी निरीक्षक शाहीले बताए ।
“प्रत्येक दिनपिच्छे फरक फरक रुटमा हामी गस्ती निस्किन्छौँ”, उनले भने, “मातहतका युनिटसँग समन्वय गरेर संयुक्त गस्ती हुन्छ, शनिबार सातदेखि १२ जनासम्म प्रहरी सम्मिलित भएर परिचालन हुने गरेका छौँ ।” उनका अनुसार सोमबार इलाका प्रहरी कार्यालय गुलरिया, इलाका प्रहरी कार्यालय रैकबार र अस्थायी प्रहरी पोष्ट गजरौला तथा बिहीबार अस्थायी प्रहरी पोष्ट वाणी र अस्थायी प्रहरी पोष्ट पहरियाबाट संयुक्त गस्ती हुने गरेको छ ।
इलाका प्रहरी कार्यालय झलारी मातहतमा शुक्लाफाँटा नगरपालिका, कृष्णपुर नगरपालिका, लालझाडी गाउँपालिका ५ र ४ को केही भाग पर्छ । प्रहरीको पहुँच नरहेको ग्रामीण भेगमा गस्तीमार्फत पहुँच बढेपछि आपराधिक क्रियाकलापमा कमी आउने विश्वास लिइएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमहाकाली अस्पतालमा रेबिजविरुद्धको खोप अभाव
बैशाख ११, २०८१ मंगलबार
मुख्यमन्त्री सोडारीविरुद्धको रिटमा सर्वोच्चद्वारा अन्तरिम आदेश दिन अश्विकार
बैशाख १०, २०८१ सोमबार
सोडारीविरुद्धको रिट न्यायाधीश ढकालको इजलासमा
बैशाख १०, २०८१ सोमबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
भोलिदेखि कक्षा १२ को परीक्षा : तीन लाख ९० हजार आठ सय ४७ परीक्षार्थी सहभागी हुँदै
बैशाख १३, २०८१ बिहिबार
२७ करोड बढीको मुद्दामा विशेषले दियो सबैलाई सफाइ
बैशाख १३, २०८१ बिहिबार
पूर्वमन्त्री आलमसहित चार जनालाई जन्मकैदको फैसला
बैशाख १३, २०८१ बिहिबार
म्याग्दीमा पुख्र्यौली नाच प्रतियोगिता सुरु
बैशाख १३, २०८१ बिहिबार
योजना कार्यान्वयनका लागि रूपान्तरणका क्षेत्र पहिचान गरिएको छ : प्रधानमन्त्री प्रचण्ड
बैशाख १३, २०८१ बिहिबार
प्रहरीले १८ जनामा मुद्दा चलायो, सर्वोच्च पुग्दा सात बचे
बैशाख १३, २०८१ बिहिबार