राष्ट्र बैंकद्वारा कर्जाको ब्याज तिर्न ३ महिना समय थप

३ जेठ, काठमाडौं । नेपाल राष्ट्र बैंकले निर्देशिका जारी गर्दै कर्जाको ब्याज तिर्ने अवधि थप गरेको छ । एकीकृत निर्देशिका जारी गर्दै २०७९ चैत मसान्तसम्म असल वर्गमा वर्गीकरण भएका अल्पकालिन तथा चालु पुँजी प्रकृतीको कर्जाको ब्याज नियमित रहेको अवस्थामा आवश्यकतालाई र औचित्यको आधारमा कुनै हर्जना तथा शुल्क नलाग्ने गरी म्याद थप गरेको हो । कर्जाको ब्याजदर ७.५ प्रतिशत कायम गरिएको छ।

राष्ट्र बैंकले यस्तो कर्जाको ब्याज आउँदो असार मसान्तभित्र म्याद थप गर्न सकिने भनेको छ ।  बैंक तथा वित्तीय संस्थाले २०७८ भदौ ८ गते अघि जारी भएका ऋणपत्रलाई २०८० पुस मसान्तसम्म निक्षेपमा गणना गर्न पाउने भएका छन् ।

‘बैंक तथा वित्तीय संस्थाले होटल तथा रेष्टुरेन्ट, पशुपंक्षी पालन, निर्माण क्षेत्रसँग सम्बन्धित ५ करोड सम्मको अन्य सबै कर्जा प्रवाहमा आम्दानी विश्लेषण गरी ब्याजमा १० प्रतिशत रकम असुल गरी शर्त अनुसार कर्जाको पुनरतालिकीकरण र पुनर्संरचना गर्न सकिनेछ’ निर्देशिकामा उल्लेख छ ।