उदयपुर सिमेन्ट उद्योगमा काटिएको बिजुली जडान गर्न उद्योग मन्त्रीको हस्तक्षेप, लाइन जडान गर्न उर्जा मन्त्रालयको प्राधिकरणलाई पत्र
नेपालबहस संवाददाता
जेठ ४, २०८० बिहिबार १६:४५:७
४ जेठ, उदयपुर । आन्तरिक भ्रष्टाचारले थलिएको उदयपुर सिमेन्ट उद्योगले लामो समय पैसा नतिरेपछि काटिएको बिजुली जडान गर्न उद्योग मन्त्रीले नै हस्तक्षेप गर्नु परेकाे छ । तालुक मन्त्रालयले आज एक पत्र लेखेपछि उर्जा मन्त्रालयले नै नेपाल विद्युत प्राधिकरणलाई पत्र काटेर अनुरोध गर्नु परेको छ । उद्योग बाणिज्य तथा आपूर्ति मन्त्रालयको आग्रहमा उर्जा मन्त्रालयले प्राधिकरणसँग उद्योगको बत्ति सुचारु गरिदिन आग्रह गरेपछि अहिले उद्योगमा बत्ति सुचारु भएको छ ।
नेपाल विद्युत प्राधिकरणले लामो समय देखि बक्यौता महसुल नतिरेको भन्दै बिजुली काटिदिएपछि उदयपुर सिमेन्ट उद्योगका महाप्रबन्धक गोपीकृष्ण न्यौपाने रकम तिर्न छाडेर फरार भएका थिए । उनले पहिलाे पटक नायव महाप्रबन्धकलाई निमित्तको जिम्मेवारी दिएर भागेपछि लामो समय उद्योगमा अन्धकार छाएको थियो । अहिले उद्योगमा न्यौपानेले गरेको भ्रष्टाचार छानविन हुनुपर्ने माग गर्दै स्थानीयले समेत दैनिक जसो प्रदर्शन गर्दै आएका छन् ।
विद्युत प्राधिकरणले वैशाख ३१ गते उद्योगको बिजुली काटेको थियो । यसपछि महाप्रबन्धक नै भागेको भन्दै उद्योग कर्मचारी र स्थानीयले विरोध सुरु गरेका थिए । कर्मचारी र स्थानीय नै आन्दोलनमा उत्रिएपछि उद्योग मन्त्रालयले उर्जा मन्त्रालयलाई विद्युत सुरुका लागि प्राधिकरणलाई भनिदिन आग्रह गरेको थियो । प्रायः उद्योगमा हाजिर नै नहुने महाप्रबन्धक न्यौपानेले लामो समयदेखि बिजुलीको रकम नतिरेको विद्युत प्राधिकरणको भनाइ छ ।
उदयपुर सिमेन्टले बिद्युत् प्राधिकरणलाई ३६ करोड बक्यौता बुझाउन बाँकी छ । धेरै अगाडि देखिको बक्यौता बुझाउन पटक पटक पत्र पठाउँदा समेत उद्योगका महाप्रबन्धक न्यौपानेले वेवास्ता गर्दै आएका थिए । बिद्युत् काटिए पछि उदयपुर सिमेन्ट उद्योगको सञ्चालन नहुने अवस्थामा पुगेको थियो । नियमित उत्पादन बढाएर उद्योगलाई सक्षम बनाउनुपर्नेमा महाप्रबन्धक न्यौपानेले उद्योगलाई भ्रष्टाचारको स्रोत बनाएको कर्मचारीको भनाइ छ । अहिले बिजुलीको पैसा समेत तिर्न नसक्ने अवस्थामा महाप्रबन्धक न्यौपानेले उद्योगलाई पुर्याइएको कर्मचारीको भनाइ छ ।
उद्योग यति बेला २ अर्ब ९ करोड घाटामा छ । घाटाले आर्थिक भार परिरहेको बेला बत्तीसमेत काटिएको हो । उदयपुर सिमेन्ट उद्योगलाई एक साता अघि पत्र पठाएर भुक्तानी दिनका लागि अनुरोध गरे पनि उद्योगले भुक्तानी नदिए पछि गत आइतवारबाट बिजुली काटिएको थियो । अहिलेसम्म गरेर सिमेन्ट उद्योगले प्राधिकरणलाई बुझाउनु पर्ने करिब ३६ करोड बक्यौता छ । सो बक्यौता रकम भुक्तानी गर्नका लागि एक साताअघि चेतावनी दिँदै उद्योगलाई पत्र पठाइएको थियो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपआईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
छोटै समयमा प्रदीप अधिकारीले देखाएको आर्थिक लिला, यो घर कसरी ठडियो डीजी साप ?
चैत १४, २०८० बिहिबार
आस र डर त्रासमा कांग्रेस, के हो देउवा र रविको भित्री कुरा ?
केदार भट्टराई (काका)
चैत १२, २०८० सोमबार
टेरामक्स रोक्ने मुख्यसचिवको दौड, किन हच्किए राई ?
नेपालबहस संवाददाता
चैत १२, २०८० सोमबार
राप्रपाले इलाममा लक्ष्मी गुरूङलाई बनायो उम्मेदवार
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
ठूलो दुर्घटनाबाट जोगियो श्री एयरको जहाज, ७७ यात्रु सुरक्षित
चैत १५, २०८० बिहिबार
के तपाईलाई थाहा छ, शेर र शेरनीमा को बढी खतरनाक हुन्छ ?
चैत १५, २०८० बिहिबार
हुम्लामा आयो २३ सय ४० क्विन्टल पोषणयुक्त चामल
चैत १५, २०८० बिहिबार
गरिमा विकास बैंकको सीईओमा माधव आचार्य नियुक्त, चार वर्षे कार्यकाल
चैत १५, २०८० बिहिबार