जेल सुधार गृह होइन, यातना गृहजस्तो भएको छ : प्रकाशमान सिंह

१० जेठ, काठमाडौं । नेपाली कांग्रेसका सांसद प्रकाशमान सिंहले मुलुकको कारागार (जेल) सुधार गृह नभई यातना गृहजस्तो भएको बताएका छन् ।

बुधबार प्रतिनिधिसभाको बैठकमा सरकारको नीति तथा कार्यक्रममाथि छलफलमा भाग लिँदै पूर्वउपप्रधानमन्त्री समेत रहेका सिंहले जेलका क्षमताभन्दा ५ गुणासम्म बढी संख्यामा कैदीबन्दी राख्ने कार्यले उनीहरुको बाँच्न पाउने मानवअधिकार मिचिएको बताए । 

कानून बनाएर भएपनि कैदीबन्दीलाई रचनात्मक काममा लगाउनुपर्ने बताए छ । ‘देशभरका जेलको अवस्था कैदीलाई सुधार गर्न होइन कि थप यातना दिने ठाउँ जस्तो बनाइएको छ’ सिंहले भने, ‘उनीहरुलाई काममा लगाउने कानून बनाउनु आवश्यक देखेको छ् ।’

साथै, उनले यातायात व्यवस्था विभाग र यातायात व्यवस्था कार्यालयको कामकारवाही बाझिएको बताए । दुईथरि कार्यालयका कारण सेवाग्रहीले मार खेपिरहनुपरेको बताउँदै दुवैलाई गाभेर एउटै बनाउन कानून बनाउन सरकारलाई सुझाव दिए । उनले सरकारले ल्याएको नीति तथा कार्यक्रमलाई कार्यान्वयन गर्न सके परिणामुखी सावित हुने बताए । 

नीति र कार्यक्रमलाई बोक्ने थरी बजेट तर्जुमा गर्न सुझाव दिए । सरकारले जनताकाे कष्ट हल गर्ने तरिकाबाट  हरेक क्षेत्रमा छिटाे कानून बनाउनुपर्ने बताए ।