प्रचण्डको भारत भ्रमणबारे नेपाली राजदूत र भारतीय विदेशमन्त्रीबीच भेटवार्ता

११ जेठ, काठमाडौं । प्रधानमन्त्री प्रचण्डको आसन्न भारत भ्रमणको तयारी तीव्र रुपमा भइरहेको छ । भ्रमणको तालिका सार्वजनिक गर्न बाँकी रहेको बेला भारतका लागि  भारतका लागि नेपाली राजदूत शंकर शर्माले त्यहाँका विदेशमन्त्री एस जयशंकरसँग बिहीबार भेटवार्ता गरेका छन् । 

सो क्रममा दुई देशबीचको गहिरो र बहुपक्षीय साझेदारीको बारेमा छलफल भएको भारतीय विदेशमन्त्री जयशंकरले ट्वीटरमार्फत जानकारी दिएका छन् ।

भेटमा प्रधानमन्त्री प्रचण्डको भारत भ्रमणलाई सफल बनाउने पनि छलफल भएको बताइएको छ । प्रधानमन्त्री प्रचण्डले यही जेठ १७ गतेदेखि २० गतेसम्म ४ दिने भ्रमण गर्ने तयारी छ । भ्रमणका क्रममा थुप्रै द्वीपक्षीय सम्झौता हुने बताइएको छ ।