‘संसद्को संयुक्त बैठक तथा संयुक्त समिति (कार्यसञ्चालन) नियमावली २०८०’ बहुमतले पारित

१४ जेठ, काठमाडौं । ‘सङ्घीय संसद्को संयुक्त बैठक तथा संयुक्त समिति (कार्यसञ्चालन) नियमावली २०८०’ पारित भएको छ । आइतबार बसेको संसदको संयुक्त बैठकमा छलफलमा उठेका प्रश्नको जवाफ दिएपछि प्रस्तावक ध्रुवबहादुर प्रधानले निर्णय गरियोस् भन्ने राखेको प्रस्ताव बहुमतले पारित गरेको हो । 

संयुक्त सदनमा विधेयक तथा नियमावली मस्याैदा समितिका सभापित एवं सांसद ध्रुवबहादुर प्रधान प्रस्तावक र सांसद भगवती चौधरी समर्थक रहेर शुक्रबार पेस गरेका थिए । मस्यौमाथि संशोधन प्रस्ताव राख्न ७२ घण्टाको समय दिइएको थियो । 

मस्यौदामाथिका संशोधनकर्ताहरुमध्ये प्रेम सुवाल, जितेन्द्र देव, अमरेशकुमार सिंह, प्रभु साह, सुमाना  श्रेष्ठ र विमला पाैड्यालले राखेका संशोधन प्रस्ताव बहुमतले अस्वीकार गरेको थियो । 

सांसद खिमलाल देवकाेटा लगवायतले भने संशाेधन प्रस्ताव पफिर्ता लिएका थिए ।