सन्दीप लामिछानेलाई क्रिकेट खेल्न दक्षिण अफ्रिका नपठाइने
नेपालबहस संवाददाता
जेठ १६, २०८० मंगलबार १८:२७:२५
१६ जेठ, काठमाडौं । एकदिवसीय विश्वकप छनोटअघि दक्षिण अफ्रिकामा गरिने अभ्यास खेलमा नेपाल टिममा सन्दीप लामिछानेलाई नपठाउने भएको छ । नेपाली टिम वातानुकुलित तयारी गर्न मंगलबार राति साढे २ बजे दक्षिण अफ्रिका प्रस्थान गर्नेछ । नेपाली टिमले दक्षिण अफ्रिकामा रहँदा स्थानीय टिमहरुसँग चारवटा अभ्यास खेल खेल्नेछ । नेपाली टिम उतैबाट जिम्बाबे प्रस्थान गर्नेछ । विश्वकप छनोट खेल ३ असारदेखि सुरु हुनेछ । पहिलो खेल जिम्बाबेसँग हुने भएको छ ।
नाबालिका बलात्कारको आरोपमा काठमाडौं जिल्ला अदालतमा मुद्दा खेपिरहेका लामिछानेलाई अदालती प्रक्रियाका कारण दक्षिण अफ्रिका भ्रमणमा समावेश गर्न नसकेको नेपाल क्रिकेट संघ (क्यान)ले जनाएको छ । उनीविरुद्धको मुद्दामा अन्तिम सुनुवाइको तयारी चलिरहेको छ । आज हुने भनिएको अन्तिम सुनुवाइ न्यायाधीश शंकरबहादुर राईले पीडितले क्षतिपूर्ति पाउनुपर्ने माग राखी दिएको निवेदन पनि साथै राखेर सुनुवाइ गर्ने भन्दै मुद्दाको सुनुवाइ रोकेका छन् ।
अदालतको प्रक्रिया नटुंगिएसम्म नेपाल टिमबाट सन्दीपको वैदेशिक भ्रमण निश्चित नभएको क्यानको तर्क छ । विश्वकप छनोटका लागि प्रशिक्षक मोन्टी देशाईले घोषणा गरेको १६ सदस्यीय टिममा सन्दीप पनि छन् ।
यसअघि सर्वोच्च अदालतले सन्दीपलाई विदेशमा हुने खेलमा सहभागी भएर स्वदेश फिर्ता भएको १५ दिनभित्र अदालतमा जानकारी गराउन आदेश दिएको थियो । सो आदेशका आधारमा उनी गएको फागुनमा यूएईमा गएर नेपालको तर्फबाट क्रिकेट खेलेका थिए ।
तर अहिले हुन लागेको अभ्यास खेलमा सहभागी गराउँदा अदालतको फैसला आउन सक्ने देखिएपछि रोकिएको बताइन्छ । यसअघि बैशाखमा घरेलु मैदान कीर्तिपुरमा भएको छनौट खेल हुँदा विभिन्न मुलुकका खेलाडीहरुले सन्दीपसँग हात नमिलाई अभियुक्तकै व्यवहार गरेका थिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपएसीसी प्रिमियर कप खेल्ने नेपाली राष्ट्रिय क्रिकेट टिमको बिदाइ
चैत १५, २०८० बिहिबार
नेपाल ए र आयरल्याण्ड वोल्भ्सबीचको सिरिजको नयाँ तालिका सार्वजनिक
चैत १५, २०८० बिहिबार
नेपाल 'ए' र आयरल्याण्ड वोल्भ्सबीचको टी-२० खेल रुद्ध
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सरकारले तोक्यो चैते धानको समर्थन मूल्य
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार