नेता खनालमाथि दुर्व्यवहार गरेकाे आराेपमा ९ जना पक्राउ, कारवाही गर्न एकीकृत समाजवादीकाे माग
नेपालबहस संवाददाता
जेठ १७, २०८० बुधबार १५:१९:५
१७ जेठ, काठमाडौं । नेकपा (एकीकृत समाजवादी)का नेता झलनाथ खनालविरुद्ध हुलहुज्जत र दुरव्यवहार गरेको आरोपमा प्रहरीले ९ जनालाई नियन्त्रणमा लिएको छ । मंगलबार अनामनगरबाट नियन्त्रणमा लिइएको उनीहरुलाई सिंहदरबार प्रहरी वृत्तमा राखिएको छ ।
भारतले नेपालका भू–भाग समेटेर बनाएको नक्साको विरोध र नागरिकता विधेयक प्रमाणीकरण नगर्न राष्ट्रपतिलाई दबाब दिने उद्देश्यले आयोजित कार्यक्रममा मुख्य वक्ता रहेका नेता खनालविरुद्ध आफूलाई राजावादी भनिनेहरुले नाराबाजी र हुलहुज्जत गरेका थिए । कार्यक्रमको आयोजना वामपन्थी नेता साध्यबहादुर भण्डारीले गरेका थिए । कार्यक्रममा झलनाथसहित माले महासचिव सिपी मैनाली, क्रान्तिकारी माओवादीका नेता सीपी गजुरेल, पूर्व गर्भनर दीपेन्द्रबहादुर क्षेत्री लगायतका नेताहरूको मञ्चमा थिए ।
कार्यक्रम चलिरहेका बेला दर्शकदीर्घबाट मञ्चमा उक्लिएर सन्तोष ‘राजावादी’ माइकबाटै खनालले राजाका समर्थकहरुलाई चोट पुग्ने गरी अभिव्यक्ति दिएको भन्दै खनालविरुद्ध तथानाम र अपशब्दसहित खनिएका थिए । उनले खनाललाई राजाको विरोध गर्ने हैसियत नराख्ने भन्दै तथानाम बोलेको एक सहभागीले बताए ।
यसैबीच, एकीकृत समाजवादीले पार्टीका नेता खनाललाई दुर्व्यवहार गर्नेलाई कारबाही गर्न माग गरेको छ ।
एकीकृत समाजवादीले बुधबार विज्ञप्ति प्रकाशित गरी खनाल सहभागी कार्यक्रममा मञ्चमै पुगेर दुर्व्यवहार गर्नेहरुलाई कानूनबमोजिम कडा कारवाही गर्न माग गरेको छ ।
एकीकृत समाजवादीका उपमहासचिव गंगालाल तुलाधरे बसधबार एक प्रेस विज्ञप्ति जारी गर्दै नेता खनालमाथि गरेको दुरव्यवहारको निन्दा गरेका छन् । घटनामा संलग्नलाई कडा कारवाही गर्न सरकारसँग माग गरेका छन् । विज्ञप्तिमा भनिएको छ, ‘उक्त घटनामा संलग्न रहेका उच्छृङ्ल तत्त्वहरुलाई सरकारले कठोर कारबाही गरोस् ।’
कार्यक्रमस्थलबाट नियन्त्रणमा लिएका सन्तोष ‘राजावादी’ लगायत ९ जना रहेको उनीहरुविरुद्ध मुद्दा चलाउने तयारी भइरहेको काठमाडौं प्रहरी परिसरले जनाएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसरकारले तोक्यो चैते धानको समर्थन मूल्य
चैत १५, २०८० बिहिबार
देशमा अर्को उथलपुथल हुनेवाला छः प्रधानमन्त्री प्रचण्ड
चैत १५, २०८० बिहिबार
राष्ट्रिय सभाकी उपाध्यक्ष अर्यालले बुझाइन राजीनामा
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
महाजात्राको पहिलो सातामा भव्य व्यापार, ६ करोड २४ लाखको कमाई !
चैत १६, २०८० शुक्रबार
आइतबारदेखि मौसममा क्रमिक सुधार हुने
चैत १६, २०८० शुक्रबार
स्थानीय तहले सडक बत्तीको बक्यौता नतिरेको भन्दै प्राधिकरणले निकाल्यो सूचना
चैत १६, २०८० शुक्रबार
डढेलोमा परी गम्भीर घाइते भएकी महिलाको मृत्यु
चैत १६, २०८० शुक्रबार
एफटीएक्सका संस्थापक साम बैंकम्यानलाई २५ वर्षको जेल सजाय
चैत १६, २०८० शुक्रबार
नारायणी डेभलपमेन्ट बैंकले कहिले बोलायो एजीएम, के के छन् त एजेन्डा ?
चैत १६, २०८० शुक्रबार