लमजुङ कारागारबाट २ कैदीबन्दी मध्यरातमा पर्खाल नाघेर फरार

१८ जेठ, काठमाडौं । लमजुङ कारागारबाट दुई जना कैदीबन्दी पर्खाल नाघेर फरार भएका छन् । गएराति १ बजेतिर उनीहरु फरार भएको जनाइएको छ । 

फरार हुनेमा लमजुङ मध्यनेपाल नगरपालिका–४ दुईपिप्लेका घर भई बलात्कार मुद्दाका कैदी २७ वर्षका विष्णु विक र ठगी मुद्दाका कैदी गोरखाको चुम्नुव्री गाउँपालिका–३ घट्टेखोलाका ३७ वर्षीय चन्द्रबहादुर गुरूङ रहेका छन् ।

विक बलात्कार मुद्दामा पुर्पक्षका लागि २०७९ साउन २४ गते र गुरूङ २०८० वैख ३१ गते कारागार चलान भएका थिए ।

बेसीसहर नगरपालिका–८ शेरास्थित कारागारमा रहेका उनीहरु राति सुरक्षा गार्डको आँखा छलेर पर्खाल नाघेर भागेको र खोजी कार्य तीव्र रुपमा भइरहेको जिल्ला प्रहरी कार्यालय गोरखाका सूचना अधिकारी प्रहरी निरीक्षक जगदीश रेग्मीले बताए ।