नक्कली भुटानी शरणार्थी प्रकरणमा फरार रहेका हरिभक्त महर्जनले गरे आत्मसमर्पण

१८ जेठ, काठमाडौं । नक्कली भुटानी शरणार्थी प्रकरणमा पक्राउ पुर्जी जारी भएपछि फरार रहेका हरिभक्त महर्जनले आत्मसमर्पण गरेका छन् ।

ललितपुरका बासिन्दा महर्जनले बिहीबार काठमाडौं जिल्ला अदालतमा आफैं उपस्थित भएर हाजिर भएका छन् । यही प्रकरणमा यसअघि उनकी पत्नी लक्ष्मी महर्जनलाई प्रहरीले पक्राउ अदालतमा पेस गरिसकेको थियो । 

आत्मसपर्मण गर्न आइपुगेकमा महर्जनलाई पनि प्रहरीले नियन्त्रणमा लिएको छ । अनुसन्धानका लागि प्रहरीले अदालतबाट अनुमति लिएको छ । प्रकरणमा महर्जनसँगै पक्राउ पर्नेको संख्या १८ पुगेको छ । १२ जना अझै फरार छन् । पक्राउ परेर मुद्दा चलाइएकामध्ये काठमाडौं जिल्ला अदालतमा महर्जनपत्नी लक्ष्मीसहित ८ जनाको बयान भइसकेको छ ।

प्रतिवादी बनाइएका ३० जनालाई नै संगठित अपराध, ठगी, राज्यविरुद्धको अपराध र सरकारी लिखत कीर्ते कसुरमा मुद्दा चलाइएको छ ।