निर्वाचन क्षेत्रमा ५ करोड दिने सरकारको निर्णयविरुद्ध रास्वपा, कोष खारेजीका लागि संकल्प प्रस्ताव दर्ता
नेपालबहस संवाददाता
जेठ १८, २०८० बिहिबार १७:४९:४९
१८ जेठ, काठमाडौं । संसदको चौथो शक्ति राष्ट्रिय स्वतन्त्र पार्टी (रास्वपा)ले सरकारले सांसदहरुलाई आफ्नो निर्वाचन क्षेत्रमा वितरण गर्न आउँदा आर्थिक वर्ष २०८०/८१ का लागि सांसद निर्वाचन क्षेत्र पूर्वाधार विकासबाट दिइने जनही ५ करोड बजेटको विरोधमा उभिएको छ ।
बिहीबार बसेको पार्टीको संसदीय दलको बैठकले सरकारले सांसदहरुलाई निर्वाचन क्षेत्रमा एक एक करोडका ५ वटा आयोजनामाा खर्च गर्न दिने गरी ल्याएको बजेट व्यवस्थालाई खारेज गर्न सांसद सचिवालयमा संकल्प प्रस्ताव दर्ता गरेको छ ।
यसअघि विवादित र विरोध भएका कारण खारेज भइसकेको कोषलाई सरकारले सत्ता जोगाउनकै लागि अनावश्यक रुपमा सांसदलाई पैसा बाँडन कोष ब्यूँताइएको रास्वपको निष्कर्ष छ । स्थानीय तहअन्तर्गत स्थानीय सरकार चलिरहेको अहिलेको अवस्थामा विकासको नामममा कोषबाट रकम वितरण गर्नु व्यवहारिक र सांसदलाई बदनाम गराउने खेल भएको उसको निजोड छ ।
सांसदको कोष खारेज गर्न आफूहरुले सचिवालयमा संकल्प प्रस्ताव दर्ता गरेको रास्वपा सांसद हरि ढकालले बताए । कोषलाई सरकारले बजेटमा ‘संसदीय क्षेत्र पूर्वाधार विकास कार्यक्रम’ नाम दिएको छ । जेठ १५ गते बजेट घोषणा भएलगत्तै रास्वपाले कोष संचालनको विरोध गरेको थियो । एमाले पनि कोष ब्युँताइएकोमा विरोध गरेको छ ।
यस्तै, रास्वपाले राष्ट्रपति रामचन्द्र पौडेलद्वारा हालै प्रमाणिकरण गरेका नागरिकता विधयेकको पनि विरोध गरेको छ । यसले नागरिकता विधेयकको सदन र सडकबाट सशक्त प्रतिवाद गर्ने जनाएको छ । उसले आज एक प्रेस विज्ञप्ति निकालेर विरोध गर्ने जानकारी दिएको हो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपउपनिर्वाचनमा २ हजार ३८७ प्रहरी परिचालन, ५९ मतदान केन्द्र अतिसंवेदनशील
बैशाख १३, २०८१ बिहिबार
कांग्रेस नेता शेर्पासहित ३ जनालाई धरौटीमा छाड्न सर्वाेच्चको आदेश
बैशाख १३, २०८१ बिहिबार
मन्त्रिपरिषद्को बैठकले के के निर्णय गर्यो ?
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
बागमती प्रदेशसभा : हिउँदे अधिवेशनका ५७ दिनमा ६ बैठक मात्रै !
बैशाख १३, २०८१ बिहिबार
नारायणी नदीमा सशस्त्रको सेमुलेशन अभ्यास सम्पन्न
बैशाख १३, २०८१ बिहिबार
बजारमा निम्न गुणस्तरको वाई वाई चाउचाउ, महानगरले चौधरी ग्रुपलाई तिरायो २ लाख
बैशाख १३, २०८१ बिहिबार
पूर्वमन्त्री अफताव आलमलाई जन्मकैदको सजाय
बैशाख १३, २०८१ बिहिबार
मटिहानीमा आगलागी : न खाने अन्न रह्यो, न फेर्ने लुगा !
बैशाख १३, २०८१ बिहिबार
खडेरीले मकै सुक्न थालेपछि नारायणी लिफ्टबाट पानी छाडियो
बैशाख १३, २०८१ बिहिबार