नागरिकता विधेयक प्रमाणीकरणविरुद्ध नेमकिपाको विरोध प्रदर्शन

२१ जेठ, कठामाडौं । मन्त्रिपरिषद्को सिफारिसमा यही जेठ १७ गते राष्ट्रपति रामचन्द्र पौडेलले गरेको नागरिकता विधेयक प्रमाणीकरण संविधानविपरीत भएको भन्दै नेपाल मजदुर किसान पार्टी (नेमकिपा)ले आइतबार बिहान राजधानीमा विरोध जुलुस निकालेको छ । माइतीघर मण्डलाबाट निकालिएको जुलुस बबरमहलमा पुगेका धर्नामा परिणत भएको छ ।

जुलुस कोटेश्वरबाट पनि निकालेका छन् । धर्नामा पार्टीका केन्द्रीय नेताहरूबाट विधेयक खारेजीको माग गर्दै कडा अभिव्यक्ति दिएका छन । विरोध जुलुसमा सहभागीहरुले भारतबाट भइरहेको सीमा अतिक्रमण, देशभित्र मोलाउँदै गइरहेको भ्रष्टाचार, हत्याकण्डलगायत घटनाको विरोधमा प्लेकार्ड र ब्यानर प्रदर्शन गरेका थिए ।

यस्तै, आज हुने संसद बैठकमा प्रमुख प्रतिपक्षी एमालेले विधेयक प्रमाणिकरणका लागि सरकारबाट गरिएको सिफारिस असंवैधानिक रहेको निष्कर्ष निकाल्दै संसदमा प्रधानमन्त्री प्रचण्डले माफी नमागेसम्म संसद चल्न नदिने योजना बनाएको छ । 

प्रमाणिकरणपछि जेठ १९ गते नै राजपत्रमा प्रकाशित भइ नागरिकता ऐन जारी भइसकेको छ । नागरिकता एेनले नेपाल

विधेयक प्रमाणिकरणले नेपालभित्र गलत तरिकाले बसोबास गर्दै आइरहेका भारतीयले नेपाली नागरिकता प्रमाणपत्र लिने बाटो खुला भएका र यसबाट राष्ट्रियतमाथि नै चुनौती पुगेको एमाले, नेमकिना, राप्रपा, रास्वपा लगायत दलहरुको धारणा छ । 

यद्यपि विधेयक प्रमाणिकरण खारेजीका लागि सर्वोच्चमा अदालतमा रिट परेको छ । रिटमाथि आज सुनुवाइ हुँदैछ । तर रिटमा माग भएबमोजिम अन्तरिम आदेश जारी भएमा नागरिकता एन कार्यान्वयनमा तत्काल रोक लाग्नेछ ।

संशोधित नागरिकता ऐनले नेपालभित्र जन्मिइ बाबु वा आमाको वतन, ठेगाना वा पहिचान खुल्न नसकेका सन्तानलाई वंशजको आधारमा नागरिकता दिने तथा नेपालभित्र २०७२ असोज ३ भन्दा पहिला नेपालभित्र जन्मिइ जन्मसिद्ध नागरिकता पाएका बाबु आमाका सन्तानले पनि वंशजको नागरिकता पाउने व्यवस्थाले गलत मान्छेले नेपाली नागरिकता प्रमाण प्राप्त गर्नेर यसबाट राष्ट्रियतामाथि खतरा बढ्ने निष्कर्ष प्रतिपक्षी दल मात्र नभई बौद्धिक तथा नागरिक तहबाटै ऐनको विरोध भइरहेको छ ।