एएफसी यू-२० महिला फुटबल टोली सोमबार म्यान्मार प्रस्थान गर्ने

२१ जेठ, काठमाडौं । एएफसी यू(२० महिला एसियन कप छनोटको दोस्रो चरणको छनोट खेल्ने नेपाली यू–२० महिला फुटबल टिम सोमबार म्यान्मार प्रस्थान गर्ने भएको छ । 

उक्त टोलीलाई अखिल नेपाल फुटबल संघ एन्फाले आइतबार गरेको कार्यक्रममा एन्फा अध्यक्ष पंकजविक्रम नेम्वाङ लगायतले टोलीलाई बिदाइ गर्यो । 

दोस्रो चरणको छनोटमा नेपाल समूह ‘बी’मा परेको छ । समूहमा आयोजक म्यानमारसहित चीन र चाइनिज ताइपेई पनि छन् । नेपालले जुन ६ मा आयोजक म्यानमार सँग पहिलो खेल खेल्नेछ । जुन ८ मा चीन तथा जुन १० मा चाइनिज ताइपेईसँग खेल्नेछ ।

गत मार्चमा प्यालेस्टाइनमा भएको पहिलो चरण छनोटको समूह ‘बी’को विजेता बन्दै नेपाल दोस्रो चरणमा छनोटमा प्रवेश गरेको छ ।

नेपालले दोस्रो चरणमा खेल्न दुई महिना क्लोज क्याम्पमा बसेर तयारी गरेको थियो । नेपाली टिममा कप्तान दीपा शाही छिन् । प्रशिक्षक याम गुरुङ छन् । पहिलो चरणमा कप्तानी गरेकी प्रिति राई घाइते रहेकोले दिपाले नेपालको कप्तानी शहीले गरेकी हुन् । 

को को छन् टिममा ?

गोलकिपर : कविता विक, लिला जोशी, सावित्री किसान ।

डिफेण्डर : सबिना चौधरी, तुलसा बोहरा, सुनिता भुलन, सिम्रन राई, दिव्या यस्माली मगर, प्रतिक्षा चौधरी, सजनी थोकर, कुमारी तामाङ ।

मिडफिल्डर : दीपा शाही  (कप्तान) सरस्वती हमाल, मनमाया दमाई, सुनकला राई, हिमा रावत, सुष्मा जिटी, अञ्जली माचामासी, सारा बज्राचार्य ।

फरवार्ड : अमिषा कार्की, ममता पुन, गरिमा राई, सदिपा भोलन ।