नागिरकता विधेयक प्रमाणिकरणविरुद्धको रिटमा सुनुवाइ जारी
नेपालबहस संवाददाता
जेठ २१, २०८० आइतबार १५:३८:४५
२१ जेठ, काठमाडौं । मन्त्रिपरिषदको सिफारिसमा राष्ट्रपति रामचन्द्र पौडेलबाट जेठ १७ गते भएको नागरिकता विधेयक प्रमाणिकरणविरुद्ध शुक्रबार दायर भएको रिछ निवेदनमाथि सर्वोच्च अदालतमा सुनुवाइ जारी छ ।
सिफारिस र प्रमाणिकरण प्रक्रियाले संविधानको उल्लंघन भएको भन्दै वरिष्ठ अधिवक्ता सुरेन्द्र भण्डारी र बालकृष्ण न्यौपाने समेतले रिटमा अघिल्लो संसदले पठाएको विधेयकलाई राष्ट्रपति पौडेलबाट भएको प्रमणिकरण खारेज गरी विधेयकलाई छलफलका लागि नयाँ बनेको संसदमा पठाउन माग गरिएको छ ।
न्यायाधीश डा. मनोजकुमार शर्माको एकल इजलासमा सुनुवाइ भइरहेको छ । नागरिकता विधयेक निवर्तमान राष्ट्रपति विद्यादवी भण्डारीको कार्याकालमा तत्कालीन संघीय दुवै संसद राष्ट्रियसभा र प्रतिनिधिसभाबाट पारित भएपछि प्रतिनिधिसभा सभामुख अग्नि सापकोटाले भण्डारीसमक्ष पेस गरेका थिए । तर भण्डारीले विधेयकमा समावेश विषयप्रति असन्तुष्ट जनाउँदै प्रमाणिकरण नगरी रोकेकी थिइन् ।
रोकिएकै अवस्थामा उनको कार्यकाल सकिएपछि कार्यालयमा थन्किएर बसेको विधेयक नयाँ राष्ट्रपति बनेर आएपछि पौडेलले यसपटक मन्त्रिपरिषद्को सिफारिसमा प्रमाणिकरण गरेका थिए । विधेयक प्रमाणिकरणका लागि राष्ट्रपतिसमक्ष सभामुखबाट मात्र पेस हुन सक्ने संवैधानिक व्यवस्था रहेको भन्दै राष्ट्रपति कार्यालयलाई विपक्षी बनाइ रिट परेको हो । प्रमणिरकण भएको विधेयक जेठ १९ मा राजपत्रमा प्रकाशित भएर ऐन बनिसकेको छ ।
रिटनिवेदकको माग बमोजिम अन्तरिम आदेश जारी भएमा ऐन कार्यान्वयनमा रोक लाग्नेछ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमहिला सहभागिताले न्याय क्षेत्र उत्साहित छः श्रेष्ठ
चैत ९, २०८० शुक्रबार
मनकुमारी सिंहलाई डेढलाख धरौटीमा रिहा गर्न आदेश
चैत ४, २०८० आइतबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
किन भेटिरहेका छन् देउवाले प्रधानमन्त्री प्रचण्ड ?
चैत १५, २०८० बिहिबार
कर्णाली पुलबाट हाम फालेर बेपत्ता भएका शाहीको शव भेटियो
चैत १५, २०८० बिहिबार
किसानले यस वर्षको कुचो नकाटी बगानमै छाडे
चैत १५, २०८० बिहिबार
हिमालमा पर्यटकलाई हेलिकोप्टरको सहारा
चैत १५, २०८० बिहिबार
एसईई परीक्षामा निरीक्षक बसेका १० जना निष्काशित
चैत १५, २०८० बिहिबार
नयाँ वर्षमा बन्दीपुरमा सडक खाना महोत्सव हुने
चैत १५, २०८० बिहिबार