रेशम चौधरीको सजाय माफीविरुद्धकाे मुद्दा ‘हेर्न नभ्याइने’मा
नेपालबहस संवाददाता
जेठ २१, २०८० आइतबार १७:८:१
२१ जेठ, काठमाडौं । गणतन्त्र दिवसको अवसरमा जेठ १४ मा सरकारले गरेको सिफारिसमा राष्ट्रपति रामचन्द्र पौडेलबाट कैद सजायमा आफमाफी पाएर थुनामुक्त भएका टीकापुर घटनाका दोषी कैलालीका रेशमलाल चौधरीलाई थुनामै राख्नुपर्ने माग गर्दै परेको मुद्दा आज ‘हेर्न नभ्याइने’मा राखिएको छ ।
पीडित शारदा कडायत बोहराले गत मंगलबार दर्ता गराएकी मुद्दामा सुनुवाइका लागि आइतबार न्यायाधीश सुष्मालत्ता माथेमाको एकल इजलासमा २० नम्बरमा पेसी चढेको थियो ।
२०७२ भदौ ७ मा कैलालीको टिकापुर घटनामा नेपाल प्रहरीका एसएसपी लक्ष्मण न्यौपाने, इन्स्पेक्टर केशव बोहरासहित ७ प्रहरी र नाबालक टेकबहादुर साउदसहित ८ जनाको हत्या गरिएको घटनामा मृतक इन्स्पेक्टर बोहराकी पत्न शारदाले चौधरीलाई आममाफी दिने सरकारको निर्णय कानूनविपरीत भएको भन्दै जेलमै राख्नुपर्ने माग दाबीसहित दायर गराएकी थिइन् ।
सो घटनामा जिल्ला अदालत कैलाली, चौधरीसहित ४ जनालाई जन्मकैद, बाँकी १९ जनालाई फरक फरक कैद सजाय तोकिएको छ । तीमध्ये चौधरीलाई सजाय माफीमार्फत रिहा गराइएको थियो । निवेदकको माग बमोजिम अन्तरिम आदेश जारी भएमा चौधरीको माफी रद्द हुनेछ ।
यसअघि गएकाे बुधबार न्यायाधीश डा. आनन्दमोहन भट्टराईको एकल इजलाशमा पेसी तोकिए पनि सुनुवाइ हुन सकेकाे थिएन । ‘हेर्न नभ्याइने’मा राखिएकाे थियाे ।
मन्त्रिपरिषद बैठकले गणतन्त्र दिवस २०८० को अवसर पारेर जेलमा जन्मकैद सजाय (२५ वर्ष) काटिरहेका चौधरीको बाँकी कैद सजाय माफी मिनाहाका लागि गरिएको सिफारिसका आधारमा राष्ट्रपति रामचन्द्र पौडेलबाट बाँकी सजाय मिनाहा भएपनि चौधरी जेठ १५ मा थुनामुक्त भइसकेका छन् । नागरिक उन्मुक्ति पार्टीका संरक्षक रेशमले मिनाहापछि झन्डै १५ वर्ष सजाय माफी पाएका छन् ।
टीकापुर घटनामा जिल्ला अदालत, उच्च अदालत र सर्वोच्च अदालतबाट २३ जना दोषी ठहर भएका थिए । तीमध्ये चौधरीसहित ४ जनालाई जन्मकैद र बाँकीलाई फरक फरक सजाय भएको थियो । उनले रिहा लगत्तै बाँकी कैदीलाई आगामी असोज ३ मा संविधान दिवसमा रिहा गरिने बताएका थिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपस्वास्थ्यमन्त्री यादव अमेरिका जाँदै
बैशाख ११, २०८१ मंगलबार
प्रधानमन्त्रीसँग रुसको चेम्बर्स अफ कमर्सका प्रतिनिधिमण्डलको भेट
बैशाख ११, २०८१ मंगलबार
गोदावरी बैठक छाडेर घरमै आराम गरिरहेका छन ओली
नेपालबहस संवाददाता
बैशाख ९, २०८१ आइतबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
बैशाख ११, २०८१ मंगलबार
कतारका अमिरको नेपाल भ्रमणः सार्वजनिक विदामै अलमलियो मन्त्रिपरिषद
बैशाख १०, २०८१ सोमबार
सुनचाँदीको मुल्य घट्यो, कतिमा हुँदैछ कारोबार ?
बैशाख ११, २०८१ मंगलबार
जर्मनीको फ्रयान्कफर्टमा रन्जु यादवको एकल चित्रकला प्रदर्शनी
बैशाख ११, २०८१ मंगलबार
लोकतन्त्र दिवसको सान्दर्भिकता
बैशाख ११, २०८१ मंगलबार
बन्दीपुरको सौन्दर्यता र मौलिकता कायम राख्न व्यवसायीलाई आग्रह
बैशाख ११, २०८१ मंगलबार
काभ्रेमा तामाङ युवाको सक्रियतामा छ्योर्तेन निर्माण
बैशाख ११, २०८१ मंगलबार
६ जना महिला क्रिकेट खेलाडी मलेसिया प्रस्थान
बैशाख ११, २०८१ मंगलबार