नागरिकता विधेयक संसदमा छलफल नगराउनु प्रक्रियागत त्रुटि : प्रदीप पौडेल
नेपालबहस संवाददाता
जेठ २१, २०८० आइतबार १७:४९:५९
२१ जेठ, काठमाडौं । नेपाली कांग्रेसका सांसद प्रदीप पौडेलले नागरिकता विधेयकलाई नयाँ संसदमा ल्याएर छलफल नगराई प्रमाणिकरण गर्नु प्रक्रियागत त्रुटि भएको बताएका छन् ।
एमाले लगायत प्रतिपक्षीहरुको अवरोधका कारण आइतबार प्रतिनिधिसभा बैठकबाट बाहिरिने क्रममा संसद भवन परिसरमा संचारकर्मीहरुसँग प्रतिक्रिया दिँदै सांसद पौडेलले नयाँ संसद बनिसकेको अवस्थामा अघिल्लो संसदबाट प्रमणिकरणका लागि तत्कालीन राष्ट्रपतिसमक्ष पेस प्रमाणिकरण नगरी भई थन्क्याएरहेको नागरिकता विधेयक अहिलेका राष्ट्रपतिले सरकारको सिफारिसमा प्रमणिकरण गर्नु प्र्रक्रियागत त्रुटि भएको बताए ।
‘विधेयक पहिलेकै भएपनि अहिलेको संसदमा दर्ता गराएर सांसदहरुबीच छलफल गराउनु पथ्र्यो’ पौडेलले भने, ‘त्यसो नगरीकन अघिल्लो संसदका सभामुखले तत्कालीन राष्ट्रपति विद्यादेवी भण्डारीसमक्ष पेस गरेका विधेयकलाई प्रमाणिकरणका लागि सरकारले सिफारिस गर्ने, त्यसैलाई आधारमा बनाएर राष्ट्रपति रामचन्द्र पौडेलबाट प्रमाणित गरिनु त्रुटि भएको छ ।’
उनले प्रतिपक्षी दलहरुले विधेयकका विषय ठीक वा बेठीक भन्दा पनि ऐन बन्नका लागि अपनाइनुपर्ने प्रक्रिया गलत भएको भनी उठाइरहेको माग नजायज नभएको उनले बताए । विधेयकलाई एमालेका अध्यक्ष तत्कालीन अवस्थामा प्रधानमन्त्री केपी शर्मा ओलीले संसद नभएको मौका पारेर अध्यादेशमार्फत ल्याएको स्मरण गर्दै संसद चलेको बेला राष्ट्रपतिकहाँ प्रमाणिकरणका लागि प्रक्रियाबाट पठाउनुपर्ने उनले बताए ।
जेठ १५ मा मन्त्रिपरिषद्को बैठकको निर्णयका आधारमा सरकारले गरेको सिफारिसका भरमा प्रमाणिकरण गरिनु गलत भएको उनको भनाइ छ । जेठ १७ मा राष्ट्रपति पौडेलबाट विधेयक प्रमाणिकरण भई १९ गते राजपत्रमा प्रकाशित भई ऐन बनिसकेको छ । ऐन बनेसँगै चौतर्फी विरोध भइरहेको छ । संशोधित विधेयकले विदेशी नेपाली नागरिकता दिने छुट भएको भन्दै विरोध भएको हो ।
आइतबारको बैठकमा एमाले, रास्वपा र राप्रपाका सांसदहरुले बैठक सुरु भएलगत्तै गम्भीर विषयमा प्रधानमन्त्री जवाफ नदिएसम्म संसद बैठक चल्न नदिने बताउँदै प्रधानमन्त्री र राष्ट्रपतिविरुद्ध चर्का नाराबाजी लगाएर बैठक अवरोध गरेका थिए ।
अवरोधपछि सभामुख देवराज घिमिरेले एक घण्टाका लागि स्थगन गरेका बैठक संसद सचिवलायले सूचना टाँस गरी सोमबार बिहान ११ बजेसम्मका लागि बैठक स्थगित भएको जनाएको छ ।
एमालेले प्रधानमन्त्री प्रचण्डबाट जवाफ नआएसम्म बैठक चल्न नदिने अडान लिएकाे छ । संसद भवन परिसरमा संचारकर्मीहरुसँग छोटो प्रतिक्रिया दिँदै एमालेका संसदीय दलका नेता समेत रहेका अध्यक्ष केपी शर्मा ओलीले संविधान र भूमिका रक्षाका लागि संसद बैठक अवरुद्ध हुनु जायज भएको बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपएकीकृत समाजवादीले सदस्यताको प्रमाणीकरण गर्ने
बैशाख ७, २०८१ शुक्रबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
प्रधानन्यायाधीशले महालेखापरीक्षक रायालाई गराए शपथ
बैशाख ६, २०८१ बिहिबार
निर्माण व्यवसायी संघको अध्यक्षमा भीष्म अधिकारीको दावेदारी
नेपालबहस संवाददाता
बैशाख ४, २०८१ मंगलबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
अभिनेत्री शिल्पाका पति कुन्द्राको ९८ करोड सम्पति जफत
बैशाख ६, २०८१ बिहिबार
प्रदेश प्रमुखबाट संविधान मिच्ने काम भयोः कांग्रेस
बैशाख ६, २०८१ बिहिबार
नेपालले पाँचौं विकेट गुमायो, दिपेन्द्र आउट
बैशाख ७, २०८१ शुक्रबार
नवलपुरका महिलाको आत्मनिर्भरको श्रोत घरबास
बैशाख ७, २०८१ शुक्रबार
भेरी नदीमाथि निर्माणाधीन ‘बेलिब्रिज निर्माणले पायो तीव्रता
बैशाख ७, २०८१ शुक्रबार
स्वास्थ्यमन्त्री यादवले एक तह मुनिका प्रमोदलाई बनाए राष्ट्रिय ट्रमा सेन्टरको मेसु
बैशाख ७, २०८१ शुक्रबार
नेपालले चौथो विकेट गुमायो, कुशल मल्ल आउट
बैशाख ७, २०८१ शुक्रबार
चीनबाट आयात गरिएको रासायनिक मल काठमाडौं ढुवानी
बैशाख ७, २०८१ शुक्रबार