गण्डकी प्रदेशले ल्यायो नीति तथा कार्यक्रम

२१ जेठ, पोखरा । गण्डकी प्रदेश सरकारले आगामी आर्थिक वर्ष २०८०÷८१ को नीति तथा कार्यक्रम सार्वजनिक गरेको छ । प्रदेशका मुख्यमन्त्री सुरेन्द्रराज पाण्डेले आजको प्रदेशसभा बैठकमा उप्लब्ध गराएको नीति तथा कार्यक्रमलाई प्रदेश प्रमुख पृथ्वीमान गुरुङले पढेर सुनाएका थिए । 

प्रदेश सरकारले सार्वजनिक खर्चलाई मितव्ययी बनाउने, चालु खर्च घटाउने र पूँजीगत खर्च वृद्धिलाई प्राथमिकतामा राखेको छ । साथै सदरमुकाम र स्थानीय तहको केन्द्र जोड्ने तथाप्रदेश गौरव र प्रदेश रणनीतिक सडक बिस्तारलाई प्राथमिकतामा राखेको छ । कृषि क्षेत्रलाई पनि महत्वसाथ हेरिएको छ । मुख्यमन्त्री नमूना कृषि कार्यक्रमलाई निरन्तरता दिइएको छ । 

उता कर्णाली प्रदेश सरकारले पनि आजै मात्र आगामी अवको नीति तथा कार्यक्रम ल्याएको छ । केन्द्र सरकारले जेठ १५ गते आफ्नो वार्षिक नीति तथा कार्यक्रम सार्वजनिक गरिसकेको छ ।