संसदमा ओलीको प्रश्न : ‘हाम्रो भूमिबाट भारतीय फौज हट्नुपर्छ भन्न नपाउने ?’
‘प्रधानमन्त्रीको भारत भ्रमणकाे खास उप्लब्धि १५ वटा मुर्रा राँगा’
नेपालबहस संवाददाता
जेठ २२, २०८० सोमबार १६:१८:१०
२२ जेठ, काठमाडौं । प्रमुख प्रतिपक्षी नेकपा (एमाले)का अध्यक्ष केपी शर्मा ओलीले नेपाली भूमि कालापानी र लिपुलेकमा बसिरहेको भारतीय फौज तत्काल हट्नुपर्ने बताएका छन् ।
सोमबार बसेको प्रतिनिधिसभाको बैठकमा सरकारको कामकारवाहीबारे प्रमुख प्रतिपक्षी दलको तर्फबाट धारणा राख्दै यस्तो बताएका हुन् । भारत भ्रमणका क्रममा प्रधानमन्त्री प्रचण्डले फितलो व्यवहार प्रस्तुत गरेको उनको धारणा थियो ।
भ्रमणमा नेपाली भूमि दार्चुला जिल्लाको कालापानी लगायत भूभागमा भारतले वर्षौेंदेखि राखिराखेको सुरक्षा फौजलाई तत्काल फिर्ता गरेर खाली गर्न खुलस्त कुरा राख्न नसकेका उनको आरोप छ । साथै भ्रमणमा विभिन्न तह र चरणमा वार्तामा मन्त्री, सचिव नराखेको भन्दै आलोचना गरे ।
‘हाम्रो देशभित्र (कालापानी)मा अन्तर्राष्ट्रिय कानूनविपरीत भारतले आफ्नो फौज ल्याएर राखेको छ भनेर भन्न नपाउने ? हामीमाथि परेका अन्याय र समस्याबारे भारतले भन्न किन हिच्किचाउने ?’ ओलीले भने, ‘आफूमाथि परेको अन्यायबारे भारतलाई भन्नैपर्छ, यो फौज हटाउनुस् भन्नु पर्छ ।’
‘कालापानीमा महाकालीको सक्कली मुहानभन्दा १५२ मिटर नेपालतर्फ आएर नक्कली कुलो खनेर महाकालीको मुहान भनेर बनाएको छ’ ओलीले भने, ‘के यो कुरा मान्ने ? कदापि मान्न सकिँदैन, प्रधानमन्त्रीले आफ्नो भ्रमणमा यो कुरा राख्नु सक्नु भएन, यसकारणले पनि भ्रमण फितलो भयाे ।’
खुलेर कुरा गर्दा भारतले यसअघि धेरै स्थानबाट सुरक्षा फौज र पोष्ट हटाएको दृष्टान्त रहेको उनले बताए । उनले प्रधानमन्त्रीतर्फ हेर्दै पटकपटक भ्रमण ‘फितलो’ र ‘प्रोटोकल समेटिएको’ बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपविपिन जोशीको रिहाईको पहल गरिदिन कतारी अमिरलाई राष्ट्रपति पौडेलको आग्रह
बैशाख ११, २०८१ मंगलबार
प्रधानमन्त्री प्रचण्ड र ओलीबीच भेटवार्ता, राजनीतिक घटनाक्रमको विषयमा छलफल
बैशाख ११, २०८१ मंगलबार
राष्ट्रपति पौडेल र कतारी राजाबीच भेटवार्ता, साझा मुद्दामा सहकार्य गर्न कतारलाई आग्रह
बैशाख ११, २०८१ मंगलबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
बैशाख ११, २०८१ मंगलबार
इलाम उपनिर्वाचन, डरैडरमा उम्मेदवार
बैशाख ११, २०८१ मंगलबार
डढेलोले म्याग्दीमा सात सय हेक्टर वन सखाप
बैशाख १२, २०८१ बुधबार
गोरखा भूकम्पको ९ वर्ष : विभिन्न सचेतनामूलक कार्यक्रम गरिँदै
बैशाख १२, २०८१ बुधबार
एशियन च्याम्पियन्स लिगबाट बाहिरियो अल हिलाल
बैशाख १२, २०८१ बुधबार
स्वरोजगार प्रवर्द्धन गर्न युवालाई तालिम
बैशाख १२, २०८१ बुधबार
आइपिएलमा आज दिल्ली र गुजरातबीच खेल हुँदै
बैशाख १२, २०८१ बुधबार
चेन्नईमाथि लखनउको शानदार जित
बैशाख १२, २०८१ बुधबार