अर्थमन्त्री महतमाथि घरानालाई पोस्ने गरी करको दर हेरफेर गरेको आरोप
छानबिन गर्न संसदीय समिति गठनको माग, समिति नबने बैठक अवरुद्ध पार्ने चेतावनी
नेपालबहस संवाददाता
जेठ २२, २०८० सोमबार १८:२३:१९
२२ जेठ, काठमाडौं । प्रतिपक्षी तल राप्रपाले अर्थमन्त्री डा. प्रकाशशरण महतले सरकारी कर्मचारीको संलग्नतामा घरानालाई पोस्न करको दरमा हेरफेर गरेको आरोप लगाएको छ । सोमबार बसेको प्रतिनिधिसभाको बैठकमा सरकारले जेठ १५ मा संघीय संसदको संयुक्त बैठकमा सार्वजनिक गरेको आगामी आवको बजेटमाथि चलेको छलफलमा यस्तो आरोप लगाएको छ ।
सो बजेटमाथि छलफल गराउन आज अर्थमन्त्री डा. प्रकाशशरण महतले आगामी आर्थिक वर्षको बजेटसम्बन्धी ‘आर्थिक वर्ष २०८०/८१ को अनुमानित राजश्व तथा व्ययसम्बन्धी प्रस्ताव’ पेस गरेका थिए । प्रस्तावमाथि धारणा राख्दै राप्रपाका सांसद ज्ञानेन्द्रबहादुर शाहीले बजेट प्रस्तुत भएको अघिल्लो साँझ अर्थमन्त्रालयमा अर्थमन्त्री महतले एक अवकाशप्राप्त नायव सुब्बालाई राखेर बिजुली गाडी, विलासी मोटरसाइकल र चुरोटमा केही निश्चित व्यापारिक घरानालाई फाइदा हुने गरी करका दर हेरफर गरेको टिप्पणी गरे । कर दर हेरफेरले ज्यलाई अर्बौं रुपैयाँ नोक्सान भएको उनको तर्क छ ।
उनले विगतमा पनि यस्तो घटना भएको उल्लेख गर्दै कर दर हेरफेर गरिएको घटनामाथि छानबिन गर्न संसदीय समिति गठन गर्न माग गरे । समिति गठन नभए मंगलबारदेखि संसद बैठक चल्न नदिने चेतावनी समेत दिए ।
शाही भन्दा पहिले बोलेका एमाले सांसद ठाकुर गैरेले पनि करको दर हेरफेर गर्ने कार्यमा संलग्नतामाथि छानबिन हुनुपर्ने धारणा राखे ।
सरकारले आगामी आवका लागि १७ खर्ब ५१ अर्ब ३१ करोडको बजेट सार्वजनिक गरेको छ । बजेटमाथि सांसदहरूले छलफल गर्दै विभिन्न सुझाव दिएका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसवा २ खर्बले बढेर २३ खर्ब ८८ अर्ब पुग्यो सार्वजनिक ऋण
चैत ४, २०८० आइतबार
अर्थतन्त्र संकटमा छैनः अर्थमन्त्री
चैत ४, २०८० आइतबार
बैंक तथा वित्तीय संस्थाको कर्जा उत्पादनमूलक क्षेत्रमा प्रवाह हुनुपर्नेमा जोड
चैत ३, २०८० शनिबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सिराहामा बाहिरियो नेपाली विषयको प्रश्न पत्र
चैत १६, २०८० शुक्रबार
सरकारले तोक्यो चैते धानको समर्थन मूल्य
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार