स्थानीयलाई रक्सीमा भन्दा गाजामा धेरै फाइदा छ : सांसद जोशी

२३ जेठ, काठमाडौं । सांसद भानुभक्त जोशीले स्थानीयलाई रक्सीभन्दा गाजा खेतीबाट बढी आम्दानी हुने बताएका छन् । मंगलबार प्रतिनिधिसभाको बैठकमा आगामी आर्थिक वर्ष २०८०÷८१ को वार्षिक बजेटमाथिको छलफलमा भाग लिँदै सांसद जोशीले गाजालाई बझाङमा भाँकु भन्ने गरिएको र यसबाट स्थानीयले राम्रो आम्दानी लिइरहेको बताए । 

त्यसअघि एमालेका अध्यक्ष समेत रहेका प्रमुख पक्षी दलको संसदीय दलका नेता केपी शर्मा ओलीले सरकारले बजेटमा नै व्यवस्था गरेर प्रतिबन्धित लागू औषध गाजाको खेती गर्न र बिक्रीवितरणको बाटो खुला गर्न खोजेको भन्दै चर्को विरोध गरेका थिए । उनले निश्चित व्यापारीलाई फाइदा पुग्ने गरी सरकारले बजेटमै नीति बनाएर खेतीका लागि अध्ययन गर्न बजेट छुट्याउने काम गरेको आरोप लगाएका थिए । 

बैठकको अन्तिमतिर बोलेका सांसद जोशीले गाजालाई खेतीकै रुपमा अगाडि बढाउने गरी सरकारले बजेटमा व्यवस्था गरेको भन्दै धन्यवाद समेत दिए । उनले गाजाबाट २५० भन्दा रोगको उपचारमा सहयोग गर्ने भन्दै कानून बनाएर उत्पादन गर्नुपर्ने बताए ।

बझाङका जनताले गाजालाई खेतीकै रुपमा विकास गरिरहेको बताए ।