कर्मचारीको लापरबाहिले सेवाग्राहिलाई सास्ती

दीपक शर्मा 
२४ जेठ, बर्दिया । भुमि सुधार तथा मालपोत कार्यालय बर्दियामा दुई दिन देखि सेवा प्रवाह रोकिएको छ ।सर्वसाधारण काम लिएर कार्यालयमा जादा कर्मचारीले काम हुन्छ भन्दै दिनभर पर्खाएर फिर्ता गराउने गरेको सेवाग्राहिले बताएका छन । भुमि सुधार मालपोत कार्यालय बर्दियामा सर्वसाधारणको काम दुई दिन देखि अवरुद्ध हुँदा सेवाग्राहीहरुले सास्ती भोग्नु परेको छ ।

जग्गा रोक्काको काम लिएर आएका सोमै थारुले आफनो काम ३ दिन देखि रोकिएको बताए। कर्मचारीहरूले अनलाइनका लागी इन्टरनेट नचलेको भन्दै सेवाग्राहीहरुलाई दिनभर चर्काे घाममा कुराउने र फर्काउने काम मात्र गरेको सेवाग्राहीकाे भनाई रहेको छ । इन्टरनेट अवरुद्ध हुँदा जग्गा रोक्का, राजीनामा, अंशवण्डा, बकस पत्र, दृष्टि बन्धक , फुकुवा लगायतका काम दुइ दिनदेखि रोकिएको हो ।

पछिल्लो पटक मालपोत कार्यालयमा जग्गा सम्बन्धी कारोबार गर्दा अनलाईन गर्नु पर्ने अनिवार्य गरिएको छ । जेठ महिनाको प्रचण्ड गर्मिमा टाढा टाढा बाट सेवा लिन आएका सेवाग्राही आफ्नो काम नहुँदा रित्तो हात फर्कनु पर्ने बाध्यता रहेको छ ।

भुमि सुधार तथा मालपोत कार्यालय गुलरिया बर्दियाका अधिकृत बालकृष्ण राणाका अनुसार इन्टरनेटमा खरावी आएको स्वीकार गर्दै फाटट फुट्ट काम भैरहेको बताए । उनका अनुसार नेट चलेको समय बेलुकी ६ बजे सम्म पनि सेवा दिइएको दावि गरे ।