बेलवामा पनि हटाइयो ऐलानी जग्गाको अतिक्रमण

२४ जेठ, वीरगञ्ज । वीरगञ्ज महानगरपालिका वडा नम्बर ३१ बेलवामा पनि ऐलानी जग्गा अतिक्रमण गरि निर्माण गरिएका संरचनाहरु वीरगञ्ज महानगरपालिका हटाएको छ । 

बेलवामा रहेको ४ कठ्ठा १० धुर ऐलानी जग्गामा अतिक्रमण गरि बनाइएका घरटहरा बुधबार महानगरको टोलीले डोजरले भत्काएर खाली गराएको हो ।

यसअघि अतिक्रम हटाउन वीरगञ्ज  महानगरपालिकाले पटक पटक आग्रह गर्दा पनि अटेर गरिएपछि बुधबार महानगरको टोलीले आफैं डोजर लगाएर ऐलानी जग्गा अतिक्रमण मुक्त गराएको हो । 

अतिक्रमण हटाउन गएको महानगरको टोलीमा महानगरको भौतिक संरचना अतिक्रमण नियन्त्रण समितिका संयोजक समेत रहेका वडा नम्वर ५ का वडाअध्यक्ष प्रदीप चौरसिया, सचिवालय सल्लाहकार हरि पोखरेल, नगर प्रहरी प्रमुख हरि भुषाल लगायतको सहभागीता थियो ।