बजेटमाथि उपेन्द्र यादवको टिप्पणीः समाजवाद विमुख र विभेदकारी
नेपालबहस संवाददाता
जेठ २४, २०८० बुधबार १४:२१:२२
२४ जेठ, काठमाडौं । सत्ता साझेदार दल जनता समाजवादी पार्टी (जसपा)का अध्यक्ष एवं सांसद उपेन्द्र यादवले सरकारले ल्याएको आगामी आर्थिक वर्ष २०८०/८१ को बजेट संविधानले व्यवस्था गरेको समाजवादउन्मुख नरहेको बताएका छन् । उनले बजेटमा कर्णाली र मधेशलाई एकै कित्तामा राखेर हेरिएको भन्दै बजेट विभेदकारी रहेको बताए ।
बुधबार प्रतिनिघिसभाको बैठकमा बजेटमाथिको छलफलमा भाग लिँदै सांसद यादवले बजेटले देश र जनताको ज्वलन्त माग सम्बोधन गर्न नसक्ने ठोकुवा गरे । नयाँ नयाँ नारा दिएर सरकारले आफ्नो कमजोरी छोप्ने कोशिस भएको कुरा बजेटमा स्पष्ट झल्किएको उनले बताए ।
बजेटमा केही कुरा राम्रो रहेपनि कार्यान्वयनका लागि आवश्यक नीतिबारे चुइँक्कसम्म नबोलेको आरोप लगाए । उनले जिल्ला निर्वाचन कार्यालय खारेज गर्ने भनी बजेटमा उल्लेख गरेर जनताको अधिकार खोस्ने काम गरेको बताए । उनले बजेटमा उल्लेख गरिएको जिल्ला निर्वाचन कार्यालय खारेजी नीति लगायत धेरै विषय सच्याउन सरकारसँग आग्रह गरे ।
बजेट तर्जुमा र करको दर हेरफेरमा गलत पात्र राखेर सरकारको जनविरोधी चरित्र प्रदर्शन गरेको उनको भनाइ छ । निर्माण क्षेत्रको बजेटमा सरकारको प्रदुषित मनसाय देखिएको बताए । उनले बजेट समग्रममा तराई क्षेत्र र यहाँका प्रति पूर्वाग्रही रहेको उटिप्पणी गरे ।
यादवले बजेटअघि सरकारले ल्याएको आगामी आवको नीति तथा कार्यक्रमप्रति पनि कडा टिप्पणी गरेका थिए । उनी नेतृत्वको दल सहभागी रहेको सरकारले ल्याएको नीति–कार्यक्रम र बजेटप्रति चर्को असन्तुष्ट पोखेका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसरकारले तोक्यो चैते धानको समर्थन मूल्य
चैत १५, २०८० बिहिबार
देशमा अर्को उथलपुथल हुनेवाला छः प्रधानमन्त्री प्रचण्ड
चैत १५, २०८० बिहिबार
राष्ट्रिय सभाकी उपाध्यक्ष अर्यालले बुझाइन राजीनामा
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सरकारले तोक्यो चैते धानको समर्थन मूल्य
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार