इलाम र झापामा भूमिहीन सुकुमबासीलाई लालपूर्जा वितरण

२४ जेठ, काठमाडौं । इलाम र झापामा भूमिहीन दलित तथा सुकुम्वासीलाई जग्गाधनी लालपूर्जा वितरण गरिएको छ । बुधबार भूमि व्यवस्था, सहकारी तथा गरिबी निवारण मन्त्री रन्जिता श्रेष्ठले दुई जिल्लामा ५४ परिवार भूमिहीन सुकुमबासीलाई जग्गाधनी लालपूर्जा प्रदान गरेकी हुन् । 

झापाको कनकई नगरपालिकाका २९ र  इलामको चुलाचुली गाउँपालिकाका २५ परिवारलाई जग्गा धनी पूर्जा दिएकी हुन् । वितरणका कार्यक्रममा मन्त्री श्रेष्ठले आजदेखि भूमिहीनलाई जग्गाको पूर्जा दिन सुरु गरिएको बताइन् । 

भूमिहीन दलित सुकुमबासीलाई भूमी माथिको पहुँच पुर्‍याउने उदेश्यका साथ तीन तहका सरकारको साझा कार्यक्रमको रुपमा अघि बढिरहेको भन्दै अब कोही पनि नेपाली नागरिक भूमि अधिकारबाट वञ्चित हुनु नपर्ने बताइन्  ।