बजेटमा निर्माण क्षेत्रलाई महत्वसाथ समेटिएको छ : सञ्जय गौतम

२५ जेठ, काठमाडौं । नेपाली कांग्रेसका सांसद सञ्जयकुमार गौतमले सरकारले ल्याएको बजेट सकारात्मक रहेको बताएका न् ।

बिहीबार प्रतिनिधिसभाको बैठकमा आगामी आर्थिक वष २०८०/८१ को बजेटमाथि छलफलमा धारणा राख्दै सांसद गौतमले अर्थमन्त्रीले देश र जनताको चाहना र आवश्यकताअनुरुप ल्याएको जिकिर गरेर । 

उनले बजेटमा कृषि र शिक्षामा धेरै कुरा प्राथमिकतामा राखिएको भन्दै अर्थमन्त्री डा. प्रकाशशरण महतलाई धन्यवाद समेत दिए ।

तराई क्षेत्रमा हुने बाढी र डुबानलाई महत्वसाथ बजेटमा राख्न सरकारलाई सुझाव दिए । बर्दियामा वर्षेनि डुबानले नागरिक हैरानीमा पर्ने गरिएको र अलपत्रमा पारिएका पुलका कारण वर्षात्मा स्थानीयले चर्को दुःख व्यहोर्नु परिरहेकाे अवस्थातर्फ सरकारले ध्यान दिनुपर्ने बताए । 

उनले आफूले सधैं जनताको सुविधा र मुलुकको विकासको पक्षमा आवाज उठाइरहेको बताउँदै सोही क्रममा बर्दियामा निर्माणकै क्रममा अलपत्र पारिएका पुलमुनि ८ दिन आमरण अनसन बसेको बताए । बजेट राम्रो रहेको र यसलाई कार्यान्वयन गर्न सबै दल एकजुट हुन आग्रह गरे ।

बजेटमा राम्रा पक्षको कार्यान्वयनमा आफू आगामी दिन पनि निरन्तर लागिपर्ने र सम्पूर्ण सांसदहरुलाई पनि यसमा लाग्न प्रेरित लागि कोशिस गर्ने बताए ।