संघीय संसद अगाडी सहकारी पीडितहरुको प्रदर्शन

२५ जेठ, काठमाडौं । सहकारी पीडितहरुले संघीय संसद भवन अगाडि प्रदर्शन गरेका छन् । विभिन्न सहकारीमा राखेको आफ्नो पैसा नपाएका दर्जनाैं पीडितहरु संसद भवन घेराउ गर्ने भन्दै प्रदर्शनमा उत्रिएका हुन् । 

गत शनिबारदेखि आन्दोलनमा रहेका सहकारी पीडितहरुले संसद भवन घेराउ गर्ने भन्दै विरोध प्रदर्शन गरेका छन् । अहिले उनीहरूले संसद भवनअगाडि विरोध प्रदर्शन गरिरहेका छन् ।
 
सहकारी पीडितहरुले सञ्चालकलाई कारबाहीको माग गर्दै त्यसको जिम्मा राष्ट्र बैंकले लिएर निगरानी गर्नुपर्ने माग राखेका छन् । सहकारीलाई जथाभावी लगानी गर्न दिन नहुनेसमेत उनीहरूको माग छ । आन्दोलनको नेतृत्व सहकारी पीडित बचतकर्ता महासंघ संघर्ष समिति नेपालले गरेको छ ।