बजेटमाथि उठेका प्रश्नको उत्तर दिन अर्थमन्त्री महत पुग्दा राष्ट्रियसभा खाली, प्रतिपक्ष शून्य
नेपालबहस संवाददाता
जेठ २६, २०८० शुक्रबार १५:४१:२३
२६ जेठ, काठमाडौं । शुक्रबार राष्ट्रिय सभामा अर्थमन्त्री डा. प्रकाशशरण महतले आगामी आर्थिक बजेटमा सांसदहरुले राखेका जिज्ञासाको प्रश्नको जवाफ दिने कार्यतालिका थियो । तर, उत्तर दिन जाँदा राष्टियसभाको बैठकमा प्रतिपक्षी बेन्च पुरै खाली थियो । महतले सांसद खोज्दै केही बेर कुरेपछि सांसदहरु भित्र छिरे र उनले पनि प्रश्नको उत्तर दिन थाले ।
बैठकमा सांसदहरु हाजिर गरेर भाग्ने प्रचलन नयाँ होइन । तर, पछिल्लो समयमा विगतभन्दा धेरै सांसदहरु हाजिर गरेर भाग्ने क्रम बढेको छ । संसदको कार्यव्यवस्था परामर्श समितिको बैठकमा सभामुख देवराज घिमिरेले सांसद बैठक छाडेर बाहिर निस्कने क्रम बढेको भन्दै पटक पटक दलहरूको ध्यानाकर्षण गराएका छन् ।
सभामुख सांसद बैठकमा नबसेको भन्दै दलहरुलाई जानकारी गराए पनि दलहरूले आफ्ना सांसदहरुलाई कुनै निर्देशन दिएका छैनन् । सांसद भागेकै कारण विद्युतीय हाजिर गराउने तयारी पनि भइरहेको छ । सांसद हाजिर ठोकेर भागेको कुरा विभिन्न सञ्चारमाध्यमहरूले पनि उठाइरहेका छन् । तर, सांसदको भाग्ने बानीमा सुधार आएको छैन । अहिले पनि राष्ट्रिय सभा जस्तै प्रतिनिधिसभा पनि लगभग खाली नै हुने गरेको छ ।
शुक्रबार राष्ट्रिय सभाको बैठक दुई पटक बसेको थियो । पहिलो बैठकमा सांसदहरुले बजेटमाथि प्रश्न सोध्ने काम जारी थियो । सकिएपछि बैठक स्थगित भयो र सांसद पनि बाहिर निस्किए । लगत्तै अर्को बैठक राखिएको कुरा उनीहरूले सम्झनामा राखेनन् । दोस्रो बैठकमा समयमै प्रतिपक्षी दलका सांसदहरु उपस्थित नहुँदा सबै बेन्च खाली देखिए ।
बैठकमा अर्थमन्त्रीले जवाफ दिने कार्यक्रम भएको कुरा थाहा पाउँदा पाउँदै पनि सांसदहरु बैठकमा नबस्नुले यसरी नै हेलचक्राई गरिरहन्छ भन्ने पुष्टि पनि गरेको छ । बैठकबाट सांसद भाग्दा कति पय संसदीय कामकारवाही पनि प्रभावित हुँदै आएका छन् । पटक पटक हुने यस्ता घटनाले जन निर्वाचित सांसद जनता र संसदप्रति उत्तरदायी नभएको प्रष्ट छ ।
प्रतिपक्षी दलका सांसदहरु नदेखेपछि अर्थमन्त्री डा.प्रकाशशरण महतले केहीबेर प्रतिपक्षी बेन्चतिर सांसदको खोजी पनि गरे । आजको राष्ट्रिय सभा नियत बस खाली भने भएको थिएन । सांसदहरु संसद भवनभित्र नै थिए । उनीहरू बैठकमा ढिलो गरी पुग्दा सांसद हराएको सूचना बाहिरिई सकेको थियो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसत्ता समीकरणः एमालेको साथ माओवादीलाई गलपासो, समाजवादी मोर्चाप्रति ओली संकिर्ण
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
भोलिदेखि कक्षा १२ को परीक्षा : तीन लाख ९० हजार आठ सय ४७ परीक्षार्थी सहभागी हुँदै
बैशाख १३, २०८१ बिहिबार
२७ करोड बढीको मुद्दामा विशेषले दियो सबैलाई सफाइ
बैशाख १३, २०८१ बिहिबार
पूर्वमन्त्री आलमसहित चार जनालाई जन्मकैदको फैसला
बैशाख १३, २०८१ बिहिबार
म्याग्दीमा पुख्र्यौली नाच प्रतियोगिता सुरु
बैशाख १३, २०८१ बिहिबार
योजना कार्यान्वयनका लागि रूपान्तरणका क्षेत्र पहिचान गरिएको छ : प्रधानमन्त्री प्रचण्ड
बैशाख १३, २०८१ बिहिबार
प्रहरीले १८ जनामा मुद्दा चलायो, सर्वोच्च पुग्दा सात बचे
बैशाख १३, २०८१ बिहिबार