दक्षिण कोरियामा रोजगारीका लागि भाषा परीक्षाको आवेदन दिन आह्वान

१४ साउन, काठमाडौं । ईपीएस कोरिया शाखाले दक्षिण कोरियामा पानी जहाज कम्पनीमा काम गर्न जान चाहनेहरूलाई फारम भर्न आह्वान गरेको छ । ललितपुरको ग्वार्को स्थित ईपीएस कोरिया शाखाले आज सूचना प्रकाशित गरी भाषा परीक्षाको लागि आवेदन फारम भर्न आह्वान गरेको हो ।

आवेदकले अनलाइनबाट मात्र फारम भर्नुपर्ने छ । ती फारम दर्ता साउन २० गतेदेखि २४ गतेसम्म हुनेछ । भाषा परीक्षा हुने स्थान र समय भदौ ८ गते शुक्रबार प्रकाशित गरिने सूचनामा उल्लेख छ ।

भाषा परीक्षामा पास भएकाहरूले दोस्रो चरणमा सीप परीक्षा दिनुपर्ने छ । भाषा परीक्षा, सीप परीक्षण र स्वास्थ्य परीक्षणमा पास भएपछि मात्र रोजगार आवेदन फारम भर्न पाइने छ ।