न्यायाधीश सिफारिसको मापदण्डमा सहमित नजुटेपछि विना निष्कर्ष सकियो न्याय परिषदको बैठक

३१ भदौ, काठमाडौं । सर्वोच्च अदालतमा सिफारिस गर्नुपर्ने न्यायाधीशको मापदण्डमा सहमति नभएपछि न्यायपरिषदको बैठक विना निष्कर्ष टुंगिएको छ । उच्च अदालतमा बाँकी रहेका २९ जना र सर्वोच्च अदालतका लागि ६ जना न्यायाधीश सिफारिस गर्न आइतबार अपरान्ह न्यायपरिषदको बैठक बसेको थियो ।  

शुक्रबार न्यायपरिषदले उच्च अदालतका  न्यायाधीशको लागि २७ जनाको नाम सिफारिस गरेको थियो । अब २९ जनाको नाम सिफारिस गर्न बाँकी छ । न्यायपरिषदको बैठकले  शुक्रबार नै ६० जना न्यायाधीशको सरुवा पनि गरेको थियो । उच्चको न्यायाधीश सिफारिस गुनासो आएको थियो । कुनै मापदण्ड नै नबनाइ हचुवाका भरमा सिफारिस गरिएको भन्दै केही कानुन व्यवसायीहरूले विरोध जनाएका थिए ।  

आजको बैठकमा कुन मापदण्ड अनुसार सिफारिस गर्ने भन्ने विषयमै सहमति नभएको बताइएको छ । सर्वोच्च अदालतमा नियुक्ति सिफारिस गर्नुपर्ने ६ मध्ये कुन क्लस्टरबाट कति जना न्यायाधीश लैजाने र छनोटको मापदण्ड के बनाउने भन्ने विषयको छलफल अर्को बैठकमा टुंग्याउने बताइएको छ ।  नसकेको हो ।