भैरहवामा वृहत् सांस्कृतिक साँझ तथा सडक खाना महोत्सव कार्यक्रम सम्पन्न

१६ जेठ, भैरहवा । १७ औं गणतन्त्र दिवसको अवसरमा मंगलबार वृहत् सांस्कृतिक साँझ तथा सडक खाना महोत्सव कार्यक्रम सम्पन्न भएको छ । ड्रिम क्रिएसन इभेन्ट मेनेजमेको आयोजनामा भैरहवास्थित मिलन चोक शिव मन्दिर अगाडि वृहत् सांस्कृतिक साँझ तथा सडक खाना महोत्सव कार्यक्रम गरिएको हो । 

महोत्सवमा सिद्धार्थनगर नगरपालिकाका प्रमुख इस्तियाक अहमद खाँको प्रमुख अतिथित्यता रहेको थियो । नगर प्रमुख खाँले गणतन्त्र दिवसको शुभकामना दिँदै सिद्धार्थनगर नगरपालिकालाई सबै मिलेर सफा र हराभरा बनाउन आग्रह गरे । उनले भने हामीले विभिन्न ठाउँमा विरुवाहरू रोपेका छौ मेरो आग्रह छ कसैले पनि त्यो विरुवाहरू नटिपिदिनु होला । र साथै सडक वरपर फोहोर नफाल्न र नगरपालिकाकाे ट्याक्टर फोहोर लिनु आउँदा सडेगलेका र प्लास्टिक जन्य फोहोर छुट्याएर फोहोर दिन आग्रह गरे । यसरी नगर सफा र स्वच्छ रहन्छ खाँले भन्नु भयो । 

महोत्सवमा शुभकामना मन्तव्य राख्दै उद्योग व्यापार संगठन रूपन्देहीका अध्यक्ष दर्पण श्रेष्ठ ले यस्ता सांस्कृतिक कार्यक्रमहरू गरिरहन स्थानी सरकारले पहल गरिरहन’ पर्ने बताए ।  यस्ता मेला महोत्सव भयो भने नेपालमा रहेका स्थानीय कलाकारहरूलाई होसला तथा पर्यटकहरूको आवगमनमा पनि टेवा पुग्ने श्रेष्ठले बताए । 

यसैगरी राष्ट्रिय गौरवका आयोजनाहरू प्रति स्थानीय सरकार गम्भीर हुन जरुरी रहेको अध्यक्ष श्रेष्ठको भनाइ छ । गाैतम बुद्ध विमानस्थलको संचालन, राष्ट्रिय सडकहरुको निर्माण र ठूला उद्योग तथा कलकारखानाहरू प्रति स्थानीय सरकारको ध्यान जान जरुरी रहेको छ । उनले भने । 

साथै अर्थतन्त्र चलायमान बनाउन सिमानाका अर्था बडर खुल्ला गर्न वातावरण तयार गर्न नगर प्रमुखलाई आग्रह गरे । बडर खुला भएपछि उद्योगी व्यापारीहरुको लागि सहज हुने अर्थतन्त्र चलायमान हुने उनको दाबी छ । गणतन्त्र दिवसको अवसरमा सिद्धार्थनगर नगरपालिकाका प्रमुख इस्तियाकÞ अहमद खाँ, उद्योग व्यापार संगठन रूपन्देहीका अध्यक्ष दर्पण श्रेष्ठ, वडा न. ५ का वडाअध्यक्ष पूरण प्रसाद श्रेष्ठ, वडा न. ६ का वडा अध्यक्ष विरेन्द्र श्रीवास्तव र कार्यक्रम संयोजक दिनेश गुप्ताको उपस्थिति रहेको थियो । कार्यक्रममा रवि जयसवालको अध्यक्षता रहेको थियो भने कार्यक्रमको संचालन विशाल श्रीवास्तवले गरेको थियो ।