कर्णाली प्रदेश योजना आयोगको सदस्यमा सामाजिक अभियन्ता अशोक नाथ योगी नियुक्त

 २७ साउन, कालिकोट । कर्णाली प्रदेश योजना आयोगको सदस्यमा रास्कोट नगरपालिका ३ का अशोक नाथ योगी नियुक्त भएका छन । बिगत ३ दशक लामो समय देखि सामाजिक क्षेत्रमा काम गर्दै आएका योगी प्रदेश योजना आयोगको सदस्य पदमा नियुक्त भएका हुन ।

कर्णाली प्रदेशको समग्र विकासका लागि र कर्णालीवासीको जिवनस्तर उकासेर "समृद्ध कर्णाली र  सुखारी कर्णालीबासी"को नारालाई पूर्णता दिने योजना निर्माण गर्ने मुख्य दायित्वमा योगी पुगेका छन । सामाजिक जागरण तथा विकास प्रतिष्ठान सादा नेपालका संस्थापक अध्यक्ष समेत रहेका योगीले विगतमा सन १९९८  देखि  विभिन्न क्षेत्रबाट सामाजिक परिवर्तनमा योगदान पुगाएका थिए ।

नेपाली कांग्रेसका युवा नेता केन्द्रीय सूचना, संचार तथा प्रचार प्रसार विभागका  केन्द्रीय  सदस्य र लोकतान्त्रिक गैह्र सरकारी संस्था महासंघको केन्द्रीय  उपाध्यक्ष तथा राष्ट्रिय तथा अन्तर्राष्ट्रिय १ दर्जन भन्दा बढी संजालमा रहेर काम गरेको अनुभव बटुलेका योगीको क्षमता र योग्यताको अनि  योगदानको कदर गर्दै कर्णाली प्रदेश सरकारले प्रदेश योजना आयोगको सदस्यमा नियुक्त गरेको हो ।

कर्णाली प्रदेशलाई विकासको नवीन मोडेल तिर लैजान, दीर्घकालिन योजना निर्माण देखि सुशासन कायम गर्नका लागि उनले महत्वपूर्ण भुमिका निर्वाह गर्ने सबैको अपेक्षा छ । उनले विभिन्न क्षेत्रमा काम गरेका अनुभवको आधारमा पनि प्रदेश योजना आयोगको सदस्य पदमा रहेर कर्णाली प्रदेशको विकासमा ठूलो भुमिका खेल्ने आम नागरिकहरूको अपेक्षा रहेको छ ।  

उनले विकास निर्माण सँगै सुशासन स्थापना, सामाजिक विकृति विसंगतिको अन्त्य, कमिसनमा आउने योजना अन्त्य गरि कर्णालीवासीको जिवनस्तर उकास्ने कुरामा ध्यान दिन समेत आग्रह गरेका छन ।  योगीले कोही कसैको प्रलोभन र दवावमा नपरी समग्र कर्णालीवासीको जिवनस्तर उकास्ने तर्फ आफू लाग्ने बताएका छन ।  

कर्णाली प्रदेशका नागरिकहरूको जिवनस्तर आफूले राम्रो सँग बुझेको भन्दै कर्णालीको दिगो विकासको आधार तयार गरिने बताए । उनले सुशासनको प्रत्याभूति हुने गरि समय सापेक्ष नीति बनाइने बताए । कर्णालीको  समस्या मात्र  बेच्ने  अनि अप्ठ्यारो देखाएर उम्किने प्रवृत्तिको अन्त्य गर्दै अब सम्भावना नै सम्भावना बोकेको कर्णालीमा विकास गर्नुपर्नेमा जोड दिए ।