चौतर्फि विरोध भएपछि मधेशका मुख्यमन्त्री सिंहले गरे ८ राज्यमन्त्रीलाई बर्खास्त

२९ साउन, काठमाडौं । जम्बो मन्त्री परिषद बनाएको भन्दै चारैतिरको विरोधपछि मधेश प्रदेशका मुख्यमन्त्री सतिशकुमार सिंहले ८ जना राज्यमन्त्रीलाई बर्खास्त गरेका छन् । उनको दल जनमतले पनि जम्बो मन्त्री मण्डल बनाएको भन्दै स्पष्टीकरण सोधेको थियो । 

जम्बो मन्त्रीमण्डलको चर्को आलोचनापछि मुख्यमन्त्री सिंहले ८ राज्यमन्त्रीलाई बर्खास्त गरेका हुन् । २५ जेठमा मुख्यमन्त्री नियुक्त भएका मुख्यमन्त्री सिंहले चार दलबाट ८ राज्यमन्त्री नियुक्त गरेका थिए । २२ साउनमा मात्रै उनले पाँच राज्यमा नियुक्त गरेर मन्त्रीमण्डलको संख्या २० बनाएका थिए । 

जसपाले यसैलाई मुद्दा बनाउँदै आन्दोलन गरिरहेको थियो । बर्खास्त हुनेमा एमालेका ३, कांग्रेसका २, जनमतका २ र लोसपाका १ जना रहेका छन् । बर्खास्त गरी मुख्यमन्त्री कार्यालयले प्रदेश प्रमुखलाई आज बिहान पत्र पठाइसकिएको मुख्यमन्त्री सचिवालयले जनाएको छ ।