संवैधानिक इजलासको ६ नम्बरमा पर्यो प्रधानमन्त्री ओलीको नियुक्तिविरुद्धको रिट

३० साउन, काठमाडौं । सर्वोच्च अदालतले प्रधानमन्त्री केपी शर्मा ओलीको नियुक्ति र शपथ बदरको माग गर्दै दर्ता  गरेको रिटको  पेशी ताकेको छ । उक्त पेशी संवैधानिक इजलासको ६ नम्मबरमा परेको छ । यो रिट आज हेर्न नभ्याइनेमा पर्ने सम्भावना छ । 
 
प्रधान न्यायाधीश विश्वम्भर प्रसाद श्रेष्ठको नेतृत्व गठन भएको संवैधानिक इजलासमा ६ नम्बरमा उक्त मुद्दा पेशी रहेको छ । श्रेष्ठसँगै न्यायाधीशहरू  प्रकाशमान सिंह राउत, सपना प्रधान मल्ल, प्रकाश कुमार ढुंगाना र कुमार रेग्मीको इजलास गठन भएको छ । ओलीलाई प्रधानमन्त्रीमा नियुक्ति गर्दा संविधान विपरित गरिएको दावी रिटमा छ । २०८१ साउन १४ मा ओलीको नियुक्तिविरुछ तीन रिट  संवैधानिक इजलासमा दर्ता भएका थिए । 

उक्त रिटलाई पहिलो सुनुवाइ गर्दै न्यायाधीश बालकृष्ण ढकालको इजलासले मुद्दा संवैधानिक इजलासले सुनुवाइ गर्न उपयुक्त भएको भन्दै संवैधानिक इजलासमा पठाएको थियो । उक्त आदेश अनुसार संवैधानिक इजलासमा पेशी तोकिए पनि आजै सुनुवाइ हुने सम्भावना कम देखिएको छ । 

राष्ट्रपति रामचन्द्र पौडेलले नेपालको संविधानको धारा ७६ को उपधारा २ अनुसार गरेको नियुक्ति गैर कानुनी रहेको भन्दै तीन जना अधिवक्ताले असार ३१ गते सर्वोच्चमा रिट पेस गरेका थिए । संविधानको धारा ७६(२) अनुसार प्रधानमन्त्रीको नियुक्ति र शपथ विरुद्ध सर्वोच्च अदालतमा खगेन्द्र चापागाईँ, शैलेन्द्र गुप्ता र दीपक अधिकारीले  रिट  दिएका थिए ।