विपक्षीको विरोधकाबीच सुदूरपश्चिम प्रदेशमा निजामती विधेयक पारित

४ भदौ, धनगढी । नेकपा माओवादी र नागरिक उन्मुक्ति पार्टीको विमतिकाबीच सुदूरपश्चिम प्रदेश सभाले निजामती सेवा ऐनसम्बन्धी संशोधन विधेयक पारित गरेको छ । मंगलबारको प्रदेश सभा बैठकले सुदूरपश्चिम निजामती सेवा ऐन ०७९ लाई संशोधन गर्न बनेको विधेयक पारित गरेको हो ।

आन्तरिक मामिला तथा कानून मन्त्री हिरा सार्कीले प्रदेशसभा बैठकमा उक्त विधेयक प्रस्तुत गरेका थिए । विपक्षी दल नेकपा माओवादी र सत्ता घटक नागरिक उन्मुक्तिका सांसदले उक्त विधेयक समावेशीताको सिद्धान्त विपरीत आएको भन्दै विरोध गरे । नेकपा एमाले) र नेपाली कांग्रेसका सांसदहरूले उक्त विधेयकको समर्थन गरेका छन् ।