स्वास्थ्य बीमा बोर्डका अध्यक्षबाट लोहनीले दिए राजीनामा

२८ भदौं, काठमाडौं । स्वास्थ्य बीमा बोर्डका अध्यक्ष डा. गुणराज लोहनीले पदबाट राजीनामा दिएका छन् । उनले स्वास्थ्य तथा जनसंख्यामन्त्री प्रदीप पौडेललाई राजीनामा बुझाएका हुन् ।

डा. लोहनीले शुक्रबार दिउँसो राजीनामा पत्र दिएका हुन् । स्वास्थ्यमन्त्री प्रदीप पौडेको सचिवालयले दिएको जानकारी अनुसार उनी मन्त्रीलाई भेटेर राजीनामा गएका थिए । तर मन्त्री बाहिर कार्यक्रममा भएकाले सचिवालयमा छोडेर आएका छन् । 

१३ मंसिर २०८० मा तत्कालीन पुष्पकमल दाहाल नेतृत्वको सरकारले उनलाई बोर्डको अध्यक्षमा नियुक्त गरेको थियो । स्वास्थ्य बीमा बोर्डले अस्पतालको प्रिमियम वापतको तिर्ने पैसा नभएको भन्दै सरकारसँग यस आर्थिक वर्षको एकमुष्ट अनुदान माग गरेको थियो ।

उनले आफै पनि आफ्नो फेसबुकमा स्टाटस लेख्दै यसबारे जानकारी गराएका छन् । जिम्मेवारीबाट भाग्नु सामाजिक बेइमानी हो । तर अहिलेको लागि...उनले फेसबुकमा लेखेका छन् ।