होटल तथा पर्यटन व्यवसायीहरुले सुरु गरेको 'घुमौँ मधेश, बुझौ मधेश'लाई सरकारले बनायो महत्वाकांक्षी योजना

११ मङ्सिर, महोत्तरी । होटल तथा पर्यटन व्यवसायी महासंघ मधेश प्रदेशले 'घुमौँ मधेश, बुझौ मधेश' भन्ने अभियानलाई मधेश प्रदेश सरकारले स्वामित्व लिएको छ । महासंघले पर्यटन प्रर्वद्वन गर्न सुरु गरेको अभियानलाई सरकारले महत्वाकांक्षी सरकारी कार्यक्रम अन्तर्गत राखेको हो ।

पर्यटन विकासको महत्वपूर्ण आधार बनाएर महासंघले ५ जेठदेखि वाराबाट सुरु गरेको यो अभियानलाई सरकारले आफ्नो कार्यक्रम अन्तर्गत राखिएसँगै पर्यटन विकासमा कोशेढुंगा सावित हुने विश्वास लिइएको छ । 

`मधेश प्रदेश सरकारले पर्यटन विकासलाई उच्च प्राथमिकतामा राखेको बेला महत्वाकांक्षी सरकारी कार्यक्रमकोरुपमा राख्दै ‘घुमौँ मधेश, बुझौँ मधेश’ का संयोजक विकास ठाकुरलाई मुख्यमन्त्रीले  नियुक्त गरेका छन ।´

मुख्यमन्त्रीका प्रेस सल्लाहकार अनिल कुमार कर्णले भने- `यो अभियान थप उचाइमा पुग्ने विस्वास लिएका छौ ´। मधेश आफै पनि  तन्नेरी आँट, सङ्कल्प र क्रियाशीलताको पर्खाइँमा रहेको वताउदै सल्लाहकार कर्णले सार्थक परिणामको रूपरेखा वन्नेमा अपेक्षा गरे ।

माहासंघका अध्यक्ष हिरा गौतमको संयोजकत्वमा सुरु भएको `घुमौँ मधेश, बुझौ मधेश अभियान` अहिलेसम्म मधेशका ४ वटा जिल्लामा सम्पन्न भइसकेको छ । ५ बैसाखमा वाराका पर्यटकिय गन्तव्यहरुको पहिचान गरि पर्वद्वन गरेसगैँ सिरहा, महोत्तरी र सर्लाहीका पर्यटकिय क्षेत्रहरुमा अभियान चलाईसकेको महासंघका माहासचिव वैकुण्ठ सापकोटाले जानकारी दिए ।

यस्तै, पकृतिको अभियान महोत्तरीको बर्दिवासस्थित उधोग बाणिज्य संघले नगर क्षेत्रमा ६ महिनासम्म चलाएको थियो ।  घुमेर पहिचान भएका ठाउँहरूलाई संघले एक प्रतिवेदन तयार गरि सरकारका तिनै तहलाई हस्तान्तरण गरिसकेको छ ।