ऐश्वर्या रायले आफ्नो नामबाट बच्चन उपनाम किन हटाइन् ?

१४ मंसिर, काठमाडौं । बलिउड अभिनेत्री ऐश्वर्या रायको दुबई कार्यक्रमको एक भिडियो समाजिक सञ्जालमा भाइरल भएको छ, जसमा उनको नामको अगाडि ‘बच्चन’ थर हटाइएको छ ।

सामाजिक सञ्जालमा सार्वजनिक भएको भिडियोसँगै ऐश्वर्या र अभिषेक बच्चनले साँच्चै डिभोर्स गरेका हुन् कि भन्ने अड्कलबाजी बढेको छ ।

केही समययता ऐश्वर्या राय र अभिषेक बच्चनबीच सम्बन्धविच्छेद भएको खबर आएको थियो । सबै किसिमका अड्कलबाजी भइरहेको छ । तर, अमिताभले हालै आफ्नो एक ब्लग पोस्टमा यसको खण्डन गरेका थिए । तर अहिले ऐश्वर्या दुबईमा भएको ग्लोबल वुमेन्स फोरमको कार्यक्रममा भाग लिएपछि सम्बन्ध विच्छेदको चर्चा फेरि बढेको छ ।  

ऐश्वर्या राई दुबईमा सहभागी भएको कार्यक्रमको आधिकारिक इन्स्टाग्राम पेजमा एक भिडियो शेयर गरिएको छ । भिडियोमा ऐश्वर्या राई स्टेजमा पुग्नेबित्तिकै स्क्रिनमा नाम झल्कियो– ऐश्वर्या राई । अन्तर्राष्ट्रिय तारा।

ऐश्वर्याको इन्स्टाग्राम पेजमा उनले अझै पनि ‘बच्चन’ थरको प्रयोग गरेकी छन् । थर हटाइएको भिडियोले उनको सम्बन्ध विच्छेदको खबरलाई पुष्टि नगर्ने रिपोर्ट बताउँछन् । दुबईमा भएको यो कार्यक्रममा व्यावसायिक कारणले अभिनेत्रीको पहिलो नाम प्रयोग गरिएको हो । यसैबीच ऐश्वर्या अहिले मुम्बई फर्किएकी छिन् ।