महानगरको टोलीले भाटभटेनी सुपरमार्केटबाट निकाल्यो खान नमिल्ने नरिवल, ढुसी परीक्षण हुँदै

१९ मंसिर, काठमाडौं । त्रिपुरेश्वरमा रहेको भाटभटेनी सुपरमार्केटमा खान नमिल्ने नरिवल उपभोक्तालाई बेच्ने गरेको भेटिएको छ । राम्रो प्याकेट बनाएर आकर्षक देखाउने र त्यसमा ढुसी परेका नरिवल राखेर बिक्री गर्ने गरेको पाइएको हो । काठमाडौं महानगरपालिकाको अनुगमन टोली भाटभटेनीमा यस्ता नरिवल फेला पारेको हो । 

नरिवल खरिद गर्ने उपभोक्ताले नरिवल खान नमिल्ने भेटिएको भाटभटेनीले फिर्ता नगरेपछि महानगरपालिकालाई उजुरी गरेका थिए । उपभोक्ताले उजुरी गरेपछि महानगर प्रहरी बल र खाद्य प्राविधिक सहितको टोलीले अनुगमन गर्दा ढुसीसहितको नरिवल फेला पारेको थियो । महानगरको टोलीले केही नष्ट गरेको छ भने केही परीक्षणका लागि पठाएको छ । 

नरिवलमा खान नमिल्ने ढुसी फेला परेपछि प्राविधिकको रोहबरमा नष्ट गरेको महानगरले जनाएको छ । यसमा थप कारवाहीको लागि कृषि तथा पशुपंक्षी विभागमा पठाइएको छ । यसको रिपोर्ट आएपछि कस्ताे कारवाही गर्ने भन्ने तय हुने महानगरले जनाएको छ ।