प्रधानमन्त्रीले मानवसेवा आश्रमको भवन निर्माणका लागि आफ्नो एक महिनाको तलब दिने

२३ मंसिर झापा : प्रधानमन्त्री केपी शर्मा ओलीले झापाको मेचीनगर नगरपालिका–४, आमडाँडीस्थित मानवसेवा आश्रमको जिल्ला कार्यालयको भवन निर्माण काम लागि आफ्नो एक महिनाको तलव दिने भएका छन् ।

गृह जिल्ला झापामा रहेका ओलीले मानवसेवा आश्रमको जिल्ला कार्यालयको भवनको उद्घाटन गर्दै एक महिनाको तलब दिने घोषणा गरेका हुन् । यो संगै ओलीले मानवसेवा स्मारकको भवन शिलान्यास पनि गरेका छन् ।

सो मानव सेवाआश्रमको भवन निर्माणका लागि आफ्नो एक महिनाको तलब र प्रथम महिला शाक्यले दुई महिनाको पेन्सन रकम दिने घोषणा गरेका छन् ।  

प्रधानमन्त्री ओलीको घोषणापछि अन्य अतिथि र जनप्रतिनिधिले पनि सहयोगको घोषणा गरेका थिए  प्रधानमन्त्री ओली र प्रथम महिला राधिका शाक्यले सो उद्घाटन र शिलान्यास गरेका हुन् । कार्यक्रममा आश्रमका लागि दुई बिघा पाँच कट्ठा जग्गा दिने स्थानीय रामबहादुर प्रधान र परिवारलाई सम्मान गरिएको छ ।