प्रहरी चौकीमा आक्रमण, तेह्र प्रहरी र दश तालिबानको मृत्यु

कुन्दुज, अफगानिस्तान । अफगानितास्तानको उत्तरी कुन्दुज प्रान्तमा सोमबार बिहान एक प्रहरी चौकीमा सशस्त्र तालिबानहरुले आक्रमण गर्दा १३ जना प्रहरीको मृत्यु भएको छ । कुन्दुजका प्रहरी प्रमुखका अनुसार आक्रमणमा परी तालिबानका १० जना लडाकू पनि मारिएका छन् । कुन्दुजको दासित इ आर्ची जिल्लामा रहेका सरकारी कार्यालयहरुनजिकै रहेको सो प्रहरी चौकीमा सोमबार बिहानी पख तालिबानहरुले शक्तिशाली बन्दुक र रकेट लञ्चरजस्ता अत्याधुनिक हतियारहरुले आक्रमण गरेका प्रहरीले जनाएका छन् । सो जिल्लामा रहेका सरकारी कार्यालयलाई यसअघि पनि तालिबानहरुले लक्षित गर्ने गरेका थिए । थप पढ्नुहोस्

काश्मिरमा तिर्थयात्रीमाथि आक्रमण, सातको मृत्यु

२८ असार, काठमाडौं । भारतको काश्मिरी इलाकाको अनन्तनाग जिल्लामा दुई पक्षबीच गोली हानाहान भइरहेको बेला विद्रोहीको हमलामा परी सोमबार राति सात जना हिन्दु तीर्थयात्रीहरु मारिएका छन् । घटनामा ज्यान गुमाउने सातजनामध्ये छ जना महिला र एक जना पुरुष रहेका कश्मीरबाट सुरक्षा अधिकारीले जनाएका छन् । उक्त हमलामा अन्य १९ जना घाइते भएका छन् । ती मध्ये केही प्रहरी रहेको बताइएको छ भने आक्रमणमा परेको बसमा कूल ५६ जना यात्रु सवार थिए र उनीहरु मध्ये धेरै गुजरात र केही महाराष्ट्र राज्यबाट आएको बताइएको छ । थप पढ्नुहोस्