बिजुली सर्ट हुँदा काठमाडौंको ज्यांठामा आगलागी

काठमाडौं । काठमाडौंको ज्यांठामा आगलागी भएको छ । बिहान चार बजेतिर पुण्यतारा स्थापितको साततले घरमा बिजुली सर्ट भएर आगो लागेको प्रहरी प्रभाग दरबारमार्गका प्रमुख प्रहरी नायव उपरीक्षक दानबहादुर मल्लले जानकारी दिए। भूईंतलामा राखिएको पानी तान्ने मोटरमा बिजुली सर्ट भएको अनुमान छ । आगलागीबाट घरको पहिलो, दोस्रो र तेस्रो तलामा क्षति पुगेको छ ।आगो लागेपछि पदयात्राका लागि राखिएको अक्सिजन ग्यासका सिलिण्डरहरु पड्किएका थिए । अहिले दमकलले आगो निभाइरहेको छ । क्षतिको विवरण संकलन गर्ने काम पनि भइरहेको प्रहरी नायव उपरीक्षक मल्लले जानकारी दिए । थप पढ्नुहोस्

विभिन्न जिल्लामा आगलागी, लाखौ मुल्य बराबरको धनमाल नष्ट

काठमाडौं । सप्तरीको रुपनी गाउँपालिका २ स्थित कलम खङको टिनको छानो भएको घरमा बुधबार आगलागी हुँदा नगद १ लाख र अन्य सामान जलेर नष्ट भएको छ । यस्तै जिल्लाको सप्तरी महादेव गाउँपालिका - ५ दुर्गापुरमा रहेको एनसेलको टावरको जेनेरेटरमा बुधबार आगलागी हुँदा करीब २० लाख रूपैयाँ बराबरको क्षति भएको छ । उता बाँके राप्ती सोनारी गाउँपालिका - ५ बस्ने लिलाबहादुर महराको कच्ची घरमा बुधबार आगलागी हुँदा घर जलेर नष्ट भई करीब ५ लाख रूपैयाँ बराबरको धनमाल क्षति भएको छ । थप पढ्नुहोस्

भाटभटेनी र नेपालटार बजारमा आगलागी, एक वेपत्ता, करेन्ट लागेर महिलाको मृत्यु

२५ चैत, काठमाडौं । बुटवल उपमहानगरपालिका वडा नं ८ स्थित भाटभटेनी सुपर मार्केटमा लागेको आगो नियन्त्रणमा आएको छ । आज बिहान ४ बजेदेखि शुरु भएको आगलागी झण्डै चार घण्टापछि नियन्त्रणमा आएको इलाका प्रहरी कार्यालय बुटवलका प्रहरी नायब उपरीक्षक केशवकुमार भट्टराइले जानकारी दिए । सुपरमार्केटको पाँचौँ तलाको इलेक्ट्रोनिक्स कक्षबाट शुरु भएको आगो क्रमशः सबैतिर फैलिएको थियो । आगलागी नियन्त्रणमा बुटवल उपमहानगरपालिका, सिद्धार्थनगर, रामग्राम, कपिलवस्तु र तानसेन नगरपालिकाका दमकल र स्थानीय व्यावसायिक पानी बोक्ने ट्यांकर आगो निभाउन प्रयोग गरिएको थियो । थप पढ्नुहोस्

शेयर मार्केट भवनको आगलागीबाट करिब रु ५० लाखको क्षति

१५ फागुन, काठमाडौं । पुतलीसडकस्थित शेयर मार्केट भवनको नेपाल इन्टर्नेशनल एजुकेशन कन्सल्ट्यान्सी (एनआइइसी) ट्रेनिङ सेन्टरमा सोमबार भएको आगलागीबाट करिब रु ५० लाखको क्षति भएको छ । महानगरीय प्रहरी वृत्त, सिंहदरबारका प्रहरी नायब उपरीक्षक अपिलराज बोहराले ग्यास लिक भई शेयर मार्केट भवनको चौथो र पाँचौँ तलामा रहेको भान्साका सामग्री, फर्निचर, कम्प्युटरलगायत वस्तु नष्ट भएको जानकारी दिए । उक्त घटनामा मानवीय क्षति भने भएको थिएन । आगो नियन्त्रणमा लिन घटनास्थलमा नेपाली सेना, प्रहरी र स्थानीयवासी खटिएका थिए भने काठमाडौँ उपत्यकाका चारवटा दमकल प्रयोग गरिएको थियो । थप पढ्नुहोस्

ज्ञानमाला भजन घरमा आगलागी

२९ पुस, काठमाडौं । काठमाडौँ महानगरपालिका– १५ स्थित स्वयम्भू ज्ञानमाला भजन घरमा गए राति भएको आगलागीमा करिब रु ३० लाख बराबरको क्षति भएको छ । भक्तजनले बालेको धूपबत्तीबाट आगो सल्केर भजन घरमा आगलागी भएको थियो । महानगरीय प्रहरी वृत्त स्वयम्भूका प्रमुख किशोर श्रेष्ठले आगलागीबाट हस्तकला, फर्निचर, भजनका सामग्रीलगायत नष्ट भएको जानकारी दिए । आगो नेपाली सेना, नेपाल प्रहरी, सशस्त्र प्रहरी र स्थानीयवासी तथा काठमाडौँ, ललितपुर र भक्तपुरका दमकलबाट नियन्त्रणमा लिइएको थियो । थप पढ्नुहोस्

ट्रम्प टावरमा आगलागी, दुई जना घाइते

२५ पुस, काठमाडौं । अमेरिकाको न्यूयोर्कस्थित ट्रम्प टावरको छानामा सोमबार आगलागी भएको अमेरिकी अग्नी नियन्त्रण विभागले जनाएको छ । आगो निभाउने क्रममा दुई जना सामान्य घाइते भएका विभागले बताएको छ । थप पढ्नुहोस्

हलेसीमा भएको आगलागी नियन्त्रणमा

१९ पुस, काडमाडौं । धार्मिक तथा पर्यटकीयस्थल हलेसीबजारमा भएको आगलागीमा सात घर जलेर नष्ट भएका छन् । मंगलबार राति भएको आगलागीमा परी हलेसी तुवाचुङ नगरपालिका–७ महादेवस्थानका व्यवसायी मगम राई, उचितबहादुर राई, तम्बराज राई र अम्बराज राईको घर पूर्णरुपमा जलेर नष्ट भएको प्रहरीले जनाएको छ । साँझ साढे ७ बजेदेखि शुरु भएको आगोले प्रकाशचन्द्र गिरी, रेगिन्द्र राई, गोपिन राईलगायतको घरमा आंशिक क्षति पुगेको नगर प्रमुख इवन राईले बताए । केही घरलाई भत्काएर आगो राति करिब ११ बजे नियन्त्रणमा लिइए पनि क्षतिको विस्तृत विवरण आउन बाँकी छ । थप पढ्नुहोस्

स्टकको आगलागी छानबिन समिति गठन

२९ मंसिर, काठमाडौं । नेपाल स्टक एक्सचेञ्जमा बुधबार राति भएको आगलागीको मूल्यांकन गर्न अर्थ मन्त्रालयका एक अधिकारीको नेतृत्वमा छानबिन समिति गठन गरिएको छ । सो समितिमा नेपाल धितोपत्र बोर्ड, स्टकका अधिकारीसमेत सदस्य रहने स्टकका वरिष्ठ अधिकृत मुराहरि पराजुलीले जानकारी दिए । समितिमा को को रहने भन्ने बारेमा अहिले टुंगो लागेको छैन । आगलागीका कारण स्टकको रु ५० लाखभन्दा बढी क्षति भएको हुनसक्ने देखिएको छ । यस्तै बीमा कम्पनी शिखर इन्स्योरेन्सलेसमेत छानबिन शुरु गरेको छ । थप पढ्नुहोस्

चीनमा भएको आगलागीमा परी १९ को मृत्यु

४ मङ्सिर, काठमाडौं । चीनको राजधानी बेइजिङबाट दक्षिणतर्फ रहेको दाक्सिनमा अवस्थित एउटा घरमा भएको आगलागीमा परी कम्तीमा १९ जनाको मृत्यु भएको छ भने अरु आठ जना घाइते भएका छन् । उक्त जिल्लाको छिङजिन गाँउमा रहेको सो घरमा शनिबार राति ९ बजेतिर आगलागी भएको स्थानीय अधिकारीहरुले जानकारी दिएका छन् । आगलागीमा परी घाइते भएकाहरुलाई तत्काल उद्धार गरी अस्पताल पु¥याइएको छ । आगलागी नियन्त्रण गर्न दमकल र आग्नि नियन्त्रकहरु तत्कालै घटनास्थलमा पठाइएको थियो । स्थानीय अधिकारीहरुले घटनाका बारेमा अनुसन्धान सुरु गरिएको जनाएका छन् । थप पढ्नुहोस्

इटहरीमा भीषण आगलागी, करिब रु. सात करोडको नोक्सानी

३० असार, काठमाडौं । सुनसरी जिल्लाको इटहरी उपमहानगरपालिका–६ को मुख्य बजार क्षेत्रमा गएराति १२ः३० बजेपछि भएको भीषण आगलागीमा करिब रु साढे ६ करोड नोक्सानी भएको प्रारम्भिक अनुमान गरिएको छ । विद्युत्को मेन स्विच सर्ट भएर आगलागी हुँदा युवराज कार्कीले सञ्चालन गरेको मार्बल टायल र सेनिटरीका सामग्री रहेको दोकानमा रहेका सबै सामग्रीसहित दोकानका अन्य सामग्रीसमेत जलेर ध्वस्त हुँदा कार्कीको मात्र रु ६ करोडभन्दा बढीको नोक्सानी भएको अनुमान गरिएको छ । थप पढ्नुहोस्