कर्णाली प्रदेश सरकारको बजेट निराशाजनक, खर्च ११ प्रतिशत मात्रै
![नेपालबहस संवाददाता](
https://nepalbahas.prixacdn.net/media/albums/NB_WGBOGtnLBS.jpeg
)
नेपालबहस संवाददाता
चैत ४, २०७६ मंगलबार २३:४८:१६
![](https://nepalbahas.prixacdn.net/media/albums/Karnali-cabinet_B6fLSpW7Aq.jpg)
४ चैत, काठमाडौं । अघिल्ला वर्षझैं यस वर्ष पनि कर्णाली प्रदेश सरकारको बजेट खर्च निराशाजनक रहेको पाइएको छ । आर्थिक वर्षको ८ महिना बितिसक्दासमेत पुँजीगत र चालूतर्फ गरी औसतमा १०.८९ प्रतिशत बजेट खर्च भएको तथ्याङ्कले जनाएको छ ।
कर्णालीमा भौगोलिक विकटताका साथै समयमै कार्यालय तथा कर्मचारी व्यवस्थापन हुन नसक्दा बजेट खर्च सन्तोषजनक हुन नसकेको बताइएको छ । कूल बजेट रु ३४ अर्ब ३५ करोड ३४ लाख २५ हजारमध्ये हालसम्म रु ३ अर्ब ७४ करोड ३४ लाख ३ हजार मात्र खर्च भएको छ । जसमध्ये विकास बजेट अर्थात पुँजीगत खर्च रु १ अर्ब ६२ करोड ४६ लाख ७ हजार रहेको प्रदेश लेखा नियन्त्रण कार्यालयले जनाएको छ । लेखा नियन्त्रक मानबहादुर बमका अनुसार चालू आर्थिक वर्षको फागुन मसान्तसम्म चालूतर्फ १६.२२ तथा पुँजीगततर्फ ७.६३ प्रतिशत बजेट खर्च भएको छ । औसतमा १०.८९ प्रतिशत बजेट खर्च हुन पुगेको छ ।
प्रदेश सरकार सञ्चालनको शुरु वर्ष २०७४÷७५ मा ७ प्रतिशत मात्र बजेट खर्च भएको थियो । उक्त आर्थिक वर्षको कूल बजेट रु १ अर्ब २ करोड ५ लाखमध्ये ७ करोड ५७ लाख ५२ हजार ३०४ खर्च भएको थियो । त्यस्तै, आव २०७५÷७६ को कूल बजेट रु २८ अर्ब २८ करोड २८ लाखमध्ये ९ अर्ब ९५ करोड ३३ लाख मात्र खर्च भयो । हालसम्म पुँजीगततर्फ सबैभन्दा धेरै भौतिक पूर्वाधार विकास मन्त्रालयले खर्च गर्न सफल भएको छ । मन्त्रालयले यस अवधिमा रु ९७ करोड ५९ लाख खर्च गरेको छ ।
प्रदेश सरकारका आर्थिक मामिला तथा योजनामन्त्री प्रकाश ज्वालाले यस वर्ष बजेट खर्च सन्तोषजनक हुने दाबी गरे । “अघिल्ला वर्षहरुमा प्रदेश सरकारका जिल्लास्तरमा संरचना नहुँदा चाहेर पनि बजेट खर्च हुन सकेको थिएन्,” उनले भने, “यस वर्ष समयमै संगठन व्यवस्थापन गरी जिल्ला–जिल्लामा कार्यालय स्थापना गरिसकेका छौँ, धमाधम बजेट कार्यान्वयन भइरहेको अवस्था छ ।” बजेट कार्यान्वयनकै चरणमा भएकाले यतिबेलै वित्तीय प्रगति नदेखिएको उनको भनाइ छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपकति छ कर्णालीको पुँजीगत खर्च ?
असार २, २०८१ आइतबार
कर्णालीमा घट्यो बजेट, भौतिक पूर्वाधारमा साढे १० अर्ब
असार २, २०८१ आइतबार
कर्णाली प्रदेशको बजेट ३१ अर्ब ४१ करोड
असार १, २०८१ शनिबार
त्रिपाठीको कुलपूजामा प्राज्ञ डा. जगमान गुरुङ प्रमुख अतिथि
विनोद त्रिपाठी
असार २, २०८१ आइतबार
नेपालले टी- २० विश्वकप अन्तर्गत भोलि बिहान दक्षिण अफ्रिकासँग खेल्दै
नेपालबहस संवाददाता
जेठ ३२, २०८१ शुक्रबार
५१ प्रहरी कर्मचारीहरुलाई ट्राफिक प्रशासन तालिम प्रदान
असार २, २०८१ आइतबार
नक्कली लाइसेन्स प्रकरणमा यातायात कार्यालयका तत्कालीन प्रमुखसहित ५ जना पक्राउ
असार २, २०८१ आइतबार
६ किलो सुन र ४८ लाख नगदसहित पक्राउ परेका चिनियाँसँग भेटियो नेपाली नागरिकता
असार ३, २०८१ सोमबार
रौतहटको बजारमा विषादी प्रयोग गरी पकाइएको आँप छ्यापछ्याप्ती
असार ३, २०८१ सोमबार
कोशी प्रदेशमा दश वर्षमा चट्याङ लागेर दुई सय ५४ जनाले ज्यान गुमाए
असार ३, २०८१ सोमबार
साउदी अरबमा अत्यधिक गर्मीका कारण १४ हजयात्रीको मृत्यु
असार ३, २०८१ सोमबार
'माया बस्यो' भन्दै आए सुरेश र डा.एलिया
असार ३, २०८१ सोमबार